ბორჯღალოსნებმა აშშ–ის ნაკრებს პირველი ტაიმი მოუგეს

საქართველოს მორაგბეთა ეროვნული ნაკრები წლის ბოლო, ნოემბრის ტესტ-სერიის მესამე შეხვედრას აშშ-ის ნაკრებთან მართავს. თბილისში, მიხეილ მესხის სახელობის სტადიონზე პირველი ტაიმი დასრულდა – "ბორჯღალოსნები" "არწივებს" ანგარიშით 21:12 ამარცხებენ.

პირველ ტაიმში ამერიკელებმა ორი ლელოს დადება მოახერხეს, საიდანაც ერთი გარდასახეს. ამას მილტონ ჰეიგის გუნდმა სამი ლელოთი უპასუხა. "ბორჯღალოსნებმა" მე–17 წუთზე საჯარიმო ლელო მიითვალეს, 30–ე წუთზე ლევან ჩილაჩავამ გაიტანა, 39–ზე კი – ჯაბა ბრეგვაძემ. ორივე ჯერზე სოსო მათიაშვილმა გარდასახა.

ტაიმი საქართველოს ნაკრებმა კაცნაკლულმა ჩაამთავრა – მსაჯმა ჩილაჩავა გაასინბინა.

აღსანიშნავია, რომ ამ მატჩში საქართველოს ეროვნული ნაკრების მაისური მეასედ მოირგო გიორგი ჩხაიძემ. ის "ბორჯღალოსნებში" მესამე ცენტურიონი გახდა, მერაბ კვირიკაშვილისა და დავით კაჭარავას შემდეგ.

"ბორჯღალოსნები" აშშ-ის ნაკრებთან ამ შემადგენლობით თამაშობენ: 15. მერაბ კვირიკაშვილი, 14. სოსო მათიაშვილი/გიორგი კოშაძე, 13. მერაბ შარიქაძე, 12. გიორგი კვესელაძე, 11. მირიან მოდებაძე, 10. რეზო ჯინჭველაშვილი, 9. ვასილ ლობჟანიძე, 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. გიორგი ჩხაიძე, 5. კონსტანტინე მიქაუტაძე, 6. შალვა სუთიაშვილი, 7. ვიქტორ კოლელიშვილი, 8. ბექა ბიწაძე
სათადარიგოები: 16. შალვა მამუკაშვილი, 17. ზურაბ ჟვანია, 18. სოსო ბეკოშვილი, 19. გიორგი ნემსაძე, 20. ლაშა ლომიძე, 21. გიორგი თხილაიშვილი, 22. გელა აფრასიძე, 23. ლაშა მალაღურაძე.

862
მკითხველის კომენტარები / 0 /
მსგავსი ამბები
რუბრიკის სხვა სიახლეები