ბორჯღალოსნებმა ნოემბრის პირველ ტესტ-მატჩში კანადას დამაჯერებლად მოუგეს [VIDEO]

11 ნოემბერს, საქართველოს მორაგბეთა ეროვნულმა ნაკრებმა ნოემბერის პირველი ტესტ-მატჩი კანადის ნაკრებთან თბილისში გამართა და დამაჯერებლად, ანგარიშით 54:22 გაიმარჯვა.

"დინამო არენაზე", 35 ათასი მაყურებლის წინაშე გამართულ შეხვედრაში ანგარიში სოსო მათიაშვილმა უკვე მე-2 წუთზე ლელოთი გახსნა, რომელმაც მეორე ტაიმში, 68-ე წუთზე დუბლიც მიითვალა. ამას გარდა, თბილისის "აკადემიის" ახალგაზრდა მორაგბემ კიდევ 4 ჯარიმა გაიტანა და 5-ჯერ გარდასახა.

საქართველოს ნაკრებში ლელოები ასევე დადეს გიორგი ნემსაძემ (40+4), ლევან ჩილჩავამ (52), მერაბ შარიქაძემ (58) და კახა ასეიშვილმა (78).

თბილისში სამი ლელოს გატანა შეძლეს კანადელებმა.

მილტონ ჰეიგის გუნდი ნოემბრის ტესტ-სერიის მორიგ შეხვედრას სტუმრად კარდიფში, უელსის ნაკრების წინააღმდეგ 18 ნოემბერს ჩაატარებს, 25-ში კი "მიხეილ მესხზე" აშშ-ის ნაკრებს უმასპინძლებს.

საქართველოს ნაკრებმა კანადასთან ამ შემადგენლობით ითამაშა:
15. სოსო მათიაშვილი, 14. გიორგი კოშაძე, 13. დავით კაჭარავა, 12. მერაბ შარიქაძე, 11. მირიან მოდებაძე, 10. ლაშა ხმალაძე, 9. ვასილ ლობჟანიძე; 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. კონსტანტინე მიქაუტაძე, 5. გიორგი ნემსაძე, 6. ლაშა ლომიძე, 7. ვიქტორ კოლელიშვილი, 8. ბექა ბიწაძე;
სათ: 16. შალვა მამუკაშვილი, 17. კარლენ ასეიშვილი, 18. სოსო ბეკოშვილი, 19. გიორგი ჩხაიძე, 20. გიორგი თხილაიშვილი, 21. გიორგი ბეგაძე, 22. რეზო ჯინჭველაშვილი, 23. გიორგი კვესელაძე.

1369
მკითხველის კომენტარები / 0 /
მსგავსი ამბები
რუბრიკის სხვა სიახლეები
;