ბრაზილიას დუგლას კოშტა დაუბრუნდა

ბრაზილიის ნაკრებს დუგლას კოშტა დაუბრუნდა. გადაწყვეტილი ამბავია, რომ 27 წლის შემტევი ნახევარმცველი ბელგიის ნაკრებთან გასამართავი მეოთხედფინალური მატჩისთვის მზად არის.

სხვა საქმეა, ათამაშებს თუ არა მას "სელესაოს" თავკაცი ტიტე, რომლის გუნდმა დუგლას კოშტას გარეშე მექსიკას 2:0 მოუგო.

"იუვენტუსის" ვარსკვლავი კოსტა რიკასთან ჯგუფური ეტაპის მეორე ტურის მატჩში დაშავდა და მას მერე აღარ უთამაშია. ბრაზილიელი ექიმები ეჭვობდნენ, რომ კოშტა მსოფლიოს ჩემპიონატის ბოლომდე ვეღარ ითამაშებდა, მაგრამ ასე არ მოხდა.

ამ ფაქტის გამო კმაყოფილება გამოთქვა ბრაზილიელთა თავკაცმა - კოშტა ჩვენი გუნდისთვის დიდი ძალააო, - ბრძანა ტიტემ.

ყოველდღიური სპორტული გაზეთი "ლელო"
729
მკითხველის კომენტარები / 0 /
;