ბრაზილიელი, იაპონელი, გამბიელი... კაჭარავა სამ ლეგიონერს აკვირდება. სამტრედია სლოვენიელებს დაუზავდა

  • კახა კაჭარავა სამტრედიას მორიგ ვარჯიშზე

"სამტრედია" 10 თებერვალს თურქეთში გაემგზავრა და მოსამზადებელ ეტაპს ანთალიაში გადის. კახა კაჭარავას გუნდმა იქ პირველი ამხანაგური მატჩი სლოვენიურ "კოპერთან" გამართა. იმერულ გუნდს ლუკა იმნაძე, სტეფან სიკაჩი, ანატოლი მესიაჩენკო და შალვა ნადირაძე დააკლდნენ. ტრავმის გამო ვარჯიშები ვარლამ კილასონიამაც.

"კოპერთან" მატჩში "სამტრედიას" ძირითად შემადგენლობაში 3 ახალი მოთამაშე გამოჩნდა - იაპონელი მარჯვენა შემტევი, 27 წლის კენ კამაცუ, რომელიც ბოლოს ამერიკულ "ნიუ მეხიკოში" თამაშობდა, ბრაზლიელი მარცხენა მცველი რიკარდო ფერეირა და გამბიელი ცენტრალური მცველი კამბა სამბუ.

ამ უკანასკნელს საყრდენ ნახევარმცველადაც უთამაშია. გამბიის ნაკრებში 2016 წელს იწვევდნენ და 3 თამაში აფრიკის თასის საკვალიფიკაციო ეტაპზეც ჩაატარა. ბოლოს ალბანურ "შკენდერბეუში" გამოდიოდა. სამივე მათგანი "სამტერდიაში" სინჯებზე იმყოფება.

რაც შეეხება სლოვენიელებთან მატჩს, მიუხედავად იმისა, რომ მომენტები ორივე კართან შეიქმნა, გოლი არ გასულა - 0:0.

"სამტრედია" (პირველი ტაიმი): სეფიაშვილი, ინკუმი, ჩაკვეტაძე, თოთაძე, რიკარდო, პავიშიჩი, ქოჩლაძე, კვირკვია, ყურბანოვი, დისი, კრსტევსკი; მეორე ტაიმში: კულუა, საჯაია, ახალაძე, კამბა, ჯგერენაია, კერძევაძე, რობაქიძე, ილურიძე, ლუკავა, კამაცუ, ღირდალაძე.

შემდეგ ამხანგურ მატჩს "სამტრედია" 16 თებერვალს, უზბეკურ "ბავ ბაჰორისთან" გამართავს, 22 თებერვალს კი კახა ცხადაძის გაწვრთნილ ყაზახურ "ორდაბასის" დაუპირისპირდება.

1213
მკითხველის კომენტარები / 0 /
მსგავსი ამბები
რუბრიკის სხვა სიახლეები
;