ბუნდესლიგა.  VIII ტურის მიმოხილვა: ფანტასტიკური სეზონი გერმანიაში [VIDEO]

ბუნდესლიგაში ფანტასტიკური სეზონი მიდის - პირველ და მეცხრე ადგილს შორის სხვაობა მხოლოდ ორი (!) ქულაა.

მერვე ტურის ბოლო მატჩში “შალკეს” შეეძლო მოგების შემთხვევაში გათამაშების ცხრილში მეექვსე ადგილიდან პირველზე გადასულიყო - პირველად 2010 წლის 30 მარტის შემდეგ, მაგრამ წააგო “ჰოფენჰაიმთან” და მეშვიდე ადგილზეა. არადა, სტუმრები აშკარად სჯობდნენ მეტოქეს, მაგრამ რეალიზაცია არ უვარგოდათ. ყველაფერი მას შემდეგ შეიცვალა, რაც კრამარიჩმა სეზონში თავის პირველივე მატჩში გაიტანა.

ლიდერი კვლავაც “გლადბახია”, არადა, წააგო “დორტმუნდში”. პირველ ტაიმში შვეიცარიელი მეკარეები - ბიურკი და ზომერი შესანიშნავად თამაშობდნენ. განსაკუთრებით კარგი შანსი აზარს ჰქონდა, მაგრამ ბელგიელი ჯერაც ელოდება თავის პირველ გოლს “დორტმუნდში”. სამაგიეროდ, ტორგანმა მეორე ტაიმში საგოლე პასი გაუკეთა მარკო როისს გამარჯვების გოლის დროს.

ცუდი ამბებია “ბაიერნის” თავს - ჩემპიონმა ზედიზედ მეორედ ვერ მოიგო, ცენტრალურმა მცველმა ზიულემ კი მუხლის ჯვარედინი მყესები გაიწყვიტა და, სავარაუდოდ, სეზონის ბოლომდე ვერ ითამაშებს.

ფაქტები

* გონსალო პასიენსიას (“აინტრახტი”) ამ სეზონში ხუთი გოლი აქვს გატანილი - ორით მეტი, ვიდრე მთლიანად შარშანდელ ჩემპიონატში.

* დოსტს ხუთიდან ხუთი მოგება აქვს “ლევერკუზენის” წინააღმდეგ, ამ მატჩებში შვიდი გოლი გაიტანა და ორი საგოლე პასი შეასრულა.

* “აინტრახტის” 14 გოლიდან 11 ფორვარდებზე - პასიენსიაზე, ანდრე სილვასა და დოსტზე მოდის.

* “აინტრახტსა” და “ლევერკუზენს” ბუნდესლიგაში 69-ჯერ უთამაშიათ და მათ შორის მატჩი არასოდეს დასრულებულა 0:0.

* “ვოლფსბურგი” ერთადერთი დაუმარცხებელი გუნდია სეზონში.

* ვერნერმა მესამე ტურის შემდეგ პირველად გაიტანა.

* “ვერდერმა” ზედიზედ მესამე ფრე ითამაშა და ზედიზედ ოთხი მატჩია ვერ იგებს.

* “ვერდერმა” სეზონის მეოთხე მატჩში მოახერხა პირველ 10 წუთში დაწინაურება.

* “ვერდერი” “ჰერტასთან” 12 მატჩია (+5=7-0) არ მარცხდება.

* “ბაიერნი” სტუმრად 10 მატჩია არ აგებს.

* ფინბოგასონმა ამა წლის მარტის შემდეგ პირველად გაიტანა.

* რვა ტურში 12 გატანილი გოლით, ლევანდოვსკიმ ბუნდესლიგის ახალი რეკორდი დაამყარა.

* ლევანდოვსკი პირველ რვა ტურში მინიმუმ ერთ გოლს იტანს მატჩში - ეს პიერ-ემერიკ ობამეიანგის რეკორდის (2015-16) გამეორებაა.

* ლევანდოვსკიმ” “აუგსბურგთან” 15 მატჩში 19 გოლი გაიტანა.

* გნაბრიმ ბოლო ოთხ მატჩში ცხრა გოლში მიიღო მონაწილეობა - ექვსი გოლი და სამი პასი.

* შეწყდა “ფრაიბურგის” სტუმრად სამმატჩიანი მოგებათა სერია.

* შეწყდა “გლადბახის” ოთხმატჩიანი მოგებათა სერია.

* შეწყდა “გლადბახის” ოთხმატჩიანი მოგებათა სერია სტუმრად.

* “დორტმუნდი” ხუთი მატჩია არ აგებს.

* მარკო როისმა თავის ყოფილ კლუბს “გლადბახს” ბოლო ხუთ მატჩში ცხრაჯერ გაუტანა.

* როისს ბუნდესლიგაში 121 გოლი დაუგროვდა, რითაც ყველა დროის სიაში ლოთარ მათეუსს, ჰერბერტ ლაუმენსა და მიროსლავ კლოზეს გაუთანაბრდა და მათთან 30-ე ადგილს იყოფს.

* “დორტმუნდმა” ზედიზედ მეცხრედ მოუგო “გლადბახს”.

* “კიოლნმა” შეწყვიტა ოთხმატჩიანი მოუგებელია სერია.

* “კიოლნმა” შეწყვიტა შინ ექვსმატჩიანი მოუგებელი და ოთხმატჩიანი წაგებათა სერია.

* შეწყდა “შალკეს” რვამატჩიანი წაუგებელია სერია სტუმრად.

აინტრახტი-ლევერკუზენი 3:0
გოლები: 1:0 პასიენსია (4), 2:0 პასიენსია (17-პენ), 3:0 დოსტი (82)

ლაიპციგი-ვოლფსბურგი 1:1
გოლები: 1:0 ვერნერი (54), 1:1 ვეგჰორსტი (82)

ვერდერი-ჰერტა 1:1
გოლები: 1:0 სარჯენტი (7), 1:1 ლუკებაკიო (70)

ფორტუნა-მაინცი 1:0
გოლი: 1:0 ჰენინგსი (82)
გაძევება: ფერნანდესი (45+1. მაინცი)

აუგსბურგი-ბაიერნი 2:2
გოლები: 1:0 რიხტერი (1), 1:1 ლევანდოვსკი (14), 1:2 გნაბრი (49), 2:2 ფინბოგასონი (90+2)

უნიონი-ფრაიბურგი 2:0
გოლები: 1:0 ბოლტერი (1), 2:0 ინგვარტსენი (84)

დორტმუნდი-გლადბახი 1:0
გოლი: 1:0 როისი (58)



კიოლნი-პადერბორნი 3:0
გოლები: 1:0 ტეროდე (9), 2:0 შაუბი (59), 3:0 ბორნაუ (85)

ჰოფენჰაიმი-შალკე 2:0
გოლები: 1:0 კრამარიჩი (72), 2:0 ბებუ (85)

1. გლადბახი 8 5 1 2 15:7 16
2. ვოლფსბურგი 8 4 4 0 11:5 16
3. ბაიერნი 8 4 3 1 22:10 15
4. დორტმუნდი 8 4 3 1 20:11 15
5. ლაიპციგი 8 4 3 1 16:8 15
6. ფრაიბურგი 8 4 2 2 15:9 14
7. შალკე 8 4 2 2 14:9 14
8. აინტრახტი 8 4 2 2 14:10 14
9. ლევერკუზენი 8 4 2 2 12:11 14
10. ჰერტა 8 3 2 3 13:13 11
11. ჰოფენჰაიმი 8 3 2 3 8:11 11
12. ვერდერი 8 2 3 3 13:17 9
13. ფორტუნა 8 2 1 5 10:14 7
14. უნიონი 8 2 1 5 8:13 7
15. კიოლნი 8 2 1 5 8:16 7
16. აუგსბურგი 8 1 3 4 10:21 6
17. მაინცი 8 2 0 6 7:18 6
18. პადერბორნი 8 0 1 7 9:22 1

ბომბარდირები: 12 - რ. ლევანდოვსკი (ბაიერნი); 6 - ტ. ვერნერი (ლაიპციგი); 5 - პ. ალკასერი (დორტმუნდი), მ. როისი (დორტმუნდი), რ. ჰენინგსი (ფორტუნა), გ. პასიენსია (აინტრახტი), ვ. ვეგჰორსტი (ვოლფსურგი).

ყოველდღიური სპორტული გაზეთი "ლელო"
193
მკითხველის კომენტარები / 0 /
მსგავსი ამბები
რუბრიკის სხვა სიახლეები
;