ბუნდესლიგა. II ტურის მიმოხილვა: ხუთი  ლიდერი და  ბაიერნი, დორტმუნდი დამაჯერებელია [VIDEO]

ტურის მთავარ მატჩში „ბაიერნმა“ „შალკე“ გაანადგურა. ეს უკვე აღარავის უკვირს, ეს უკვე ტრადიციად ჩამოყალიბდა.

მიუნხენელთა რიგებში სამ ფეხბურთელს ჰქონდა დებიუტი - ერნანდესი ძირითადში იყო, პერიშიჩი და ფილიპე კოუტინიო შეცვლაზე შევიდნენ მოედანზე.

მასპინძლებს უჭირდათ თამაშიდან მომენტების შექმნა და პირველი ორი გოლი სტანდარტული მდგომარეობებიდან გაიტანეს - ლევანდოვსკიმ ჯერ პენალტით და შემდეგ საჯარიმოთი შეასრულა დუბლი, ბოლოს კი ჰეთ-თრიკამდეც მივიდა, როცა „ბაიერნმა“ წინ წასული მეტოქე კონტრშეტევაზე გამოიჭირა. პოლონელს უკვე ხუთი გოლი აქვს ჩემპიონატში.

ჩემპიონს 18 ოფიციალური მატჩია „შალკესთან“ არ წაუგია. გელზენკირხენელებს ბევრი არაფერი უჩვენებიათ, თუმცა 0:2-ზე ორჯერ პენალტს იმსახურებდნენ, მაგრამ მსაჯმა ხელით თამაში არ შეიმჩნია.

ბუნდესლიგას კი ხუთი ლიდერი ჰყავს და „ბაიერნი“ მათ შორის არ არის. პირველზე „დორტმუნდია“, რომელმაც ისევ პირველმა გაუშვა და 70-ე წუთამდე მდევრის როლში იყო „კიოლნთან“ გასვლით მატჩში. გაამართლა ლუსიენ ფავრის შეცვლებმა - ბრანდტმა აშკარად გამოაცოცხლა სტუმრების თამაში, ჰაკიმიმ კი გამარჯვების გოლი გაიტანა.

ძალიან კარგ შთაბეჭდილებას ტოვებენ და, შესაძლოა, საჩემპიონო ბრძოლაში ჩაერიონ „ლევერკუზენი“ და „ლაიპციგი“, რომლის რიგებში ახალი კონტრაქტის გაფორმება (2023 წლის ივლისამდე) გოლით აღნიშნა ტიმო ვერნერმა. და არიან მოულოდნელი ლიდერები: „ვოლფსბურგი“ და „ფრაიბურგი“, რომლის ლიდერად ყალიბდება ვალდშმიდტი. ეს ის ფეხბურთელია, რომელმაც ივნისში 21-წლამდელთა ევროპის ჩემპიონატზე შვიდი გოლი გაიტანა.

ფაქტები

* „დორტმუნდი“ კიოლნში“ ზედიზედ ცხრა მატჩია უგოლოდ არ ტოვებს მოედანს.

* „კიოლნის“ ბოლო მოგება „დორტმუნდთან“ 2015 წლის დეკემბრით თარიღდება.

* „კიოლნს“ 2018 წლის 18 მარტის შემდეგ არ მოუგია ბუნდესლიგაში საკუთარ მოედანზე.

* 19 წლისა და 151 დღის ჯეიდონ სანჩო ყველაზე ახალგაზრდა ფეხბურთელია ბუნდესლიგის ისტორიაში, ვინც 15 გოლი დააგროვა. მან 34 დღით გააუმჯობესა ჰორსტ კოპელის 1967 წლის რეკორდი.

კიოლნი-დორტმუნდი 1:3
გოლები: 1:0 დრექსლერი (29), 1:1 სანჩო (70), 1:2 ჰაკიმი (86), 1:3 ალკასერი (90+4)



ჰოფენჰაიმი-ვერდერი 3:2
გოლები: 0:1 ფიულკრუგი (42), 1:1 ბიჩაკჩიჩი (54), 2:1 ბებუ (59), 2:2 ოსაკო (81), 3:2 კადერჟაბეკი (87)
გაძევება: ეგეშტაინი (77. ვერდერი)

ფორტუნა-ლევერკუზენი 1:3
გოლები: 0:1 ბეიკერი (6-საკ. კარში), 0:2 არანგისი (33) 0:3 ბელარაბი (39), 1:3 მორალესი (82)

მაინცი-გლადბახი 1:3
გოლები: 1:0 კიასონი (18), 1:1 ლენერი (32), 1:2 პლეა (78), 1:3 ემბოლო (79)

აუგსბურგი-უნიონი 1:1
გოლები: 1:0 ვარგასი (59), 1:1 ანდერსონი (80)

პადერბორნი-ფრაიბურგი 1:3
გოლები: 1:0 მამბა (3), 1:1 ვალდშმიდტი (21), 1:2 პეტერსენი (40), 1:3 კვონი (90)

შალკე-ბაიერნი 0:3
გოლები: 0:1 ლევანდოვსკი (20-პენ), 0:2 ლევანდოვსკი (50), 0:3 ლევანდოვსკი (75)

ლაიპციგი-აინტრახტი 2:1
გოლები: 1:0 ვერნერი (10), 2:0 პოულსენი (80), 2:1 პასიენსია (89)

ჰერტა-ვოლფსბურგი 0:3
გოლები: 0:1 ვიგჰორსტი (9-პენ), 0:2 ბრეკალო (83), 0:3 რუსიონი (90+1)

1. დორტმუნდი 2 2 0 0 8:2 6
2. ფრაიბურგი 2 2 0 0 6:1 6
3. ლაიპციგი 2 2 0 0 6:1 6
4. ვოლფსბურგი 2 2 0 0 5:1 6
5. ლევერკუზენი 2 2 0 0 6:3 6
6. ბაიერნი 2 1 1 0 5:2 4
7. გლადბახი 2 1 1 0 3:1 4
8. ფორტუნა 2 1 0 1 4:4 3
9. ჰოფენჰაიმი 2 1 0 1 3:3 3
10. აინტრახტი 2 1 0 1 2:2 3
11. ჰერტა 2 0 1 1 2:5 1
12. შალკე 2 0 1 1 0:3 1
13. აუგსბურგი 2 0 1 1 2:6 1
14. უნიონი 2 0 1 1 1:5 1
15. ვერდერი 2 0 0 2 3:6 0
16. პადერბორნი 2 0 0 2 3:6 0
17. კიოლნი 2 0 0 2 2:5 0
18. მაინცი 2 0 0 2 1:6 0

ბომბარდირები: 5 - რ. ლევანდოვსკი (ბაიერნი); 3 - პ. ალკასერი (დორტმუნდი); 2 - ჯ. სანჩო (დორტმუნდი), ს. მამბა (პადერბორნი), გ. ვალდშმიდტი (ფრაიბურგი), ვ. ვიგჰორსტი (ვოლფსბურგი), ტ. ვერნერი (ლაიპციგი).

მომდევნო ტური

30 აგვისტო: გლადბახი-ლაიპციგი
31 აგვისტო: ბაიერნი-მაინცი, ლევერკუზენი-ჰოფენჰაიმი, ვოლფსბურგი-პადერბორნი, ფრაიბურგი-კიოლნი, შალკე-ჰერტა, უნიონი-დორტმუნდი
1 სექტემბერი: ვერდერი-აუგსბურგი, აინტრახტი-ფორტუნა

ყოველდღიური სპორტული გაზეთი "ლელო"
269
მკითხველის კომენტარები / 0 /
მსგავსი ამბები
რუბრიკის სხვა სიახლეები
;