ბუნდესლიგა. IV ტურის მიმოხილვა: ლაიპციგი ლიდერია, დორტმუნდი გამოცოცხლდა [VIDEO]

მეოთხე ტურმა ერთბაშად ორი სუპერმატჩი დაიტია - ჩემპიონთა ლიგის ოთხი გუნდი გადაიკვეთა ორ შეხვედრაში.

ჯერ „დორტმუნდისა“ და „ლევერკუზენის“ ამბიციები უნდა შემოწმებულიყო „სიგნალ იდუნა პარკზე“, მოგვიანებით კი „ლაიპციგის“ საჩემპიონო გეგმებს ელოდა სერიოზული გამოცდა „ბაიერნთან“ მატჩში.

წინა ტურში აბსოლუტურ დებიუტანტ „უნიონთან“ წაგების შემდეგ, „დორტმუნდს“ რეაბილიტაცია მართებდა „ლევერკუზენთან“ საშინაო შეხვედრაში და ეს მოახერხა. ლუსიენ ფავრის გუნდი ერთი თავით მაღლა იდგა და უკვე პირველივე ტაიმში შეეძლო მოგების გაფორმება. პირველ ნახევარში ერთადერთი გოლი პაკო ალკასერმა გაიტანა, რომელსაც ვერავინ აჩერებს და ამ სეზონში ყველა ოფიციალურ მატჩში აქვს გატანილი გოლი.

მასპინძლებს მხოლოდ მეორე ტაიმის დასაწყისში გაუჭირდათ, როცა „ლევერკუზენს“ ორჯერ შეეძლო გატანა, მაგრამ „დორტმუნდი“ გადარჩა, რის შემდეგაც ისევ გაიბრწყინა ჯეიდონ სანჩომ, რომელმაც ორი საგოლე პასი შეასრულა, მარკო როისმა კი დუბლი მიითვალა.

„ლაიპციგმა“ შეინარჩუნა ლიდერობა მას შემდეგ, რაც ორი განსხვავებული ტაიმი ჩაატარა შინ „ბაიერნის“ წინააღმდეგ. პირველ ნახევარში მიუნხენელთა თამაშს ჩემპიონთა მწვრთნელმა ნიკო კოვაჩმა საუკეთესო უწოდა ამ სეზონში, თუმცა სტუმრებმა გოლი მხოლოდ ერთი გაიტანეს. „ბაიერნმა“ კიდევ რამდენიმე შანსი გაუშვა ხელიდან და ტაიმის ბოლოს პენალტი მიიღო ფორსბერგისგან.

მეორე ნახევარში ორივე მხარეს იყო სწრაფი შეტევები, მაგრამ უფრო ახლოს იყო მოგებასთან „ბაიერნი“, როცა 77-ე წუთზე კინგსლი კომანმა ძელს მოარტყა ბურთი. ჩემპიონმა მეორედ დაკარგა ამ სეზონში ქულები და უჩვეულო მეოთხე ადგილზეა.

ფაქტები

* „ფორტუნას“ მეკარეს შტეფენს 26 დარტყმა აქვს მოგერიებული. უახლოეს მდევარს ის 15 სეივით უსწრებს.

* „ვოლფსბურგს“ ცხრა ოფიციალურ მატჩში „ფორტუნას“ წინააღმდეგ წაგება არ აქვს - +5=4-0.

* პაკო ალკასერმა ამ სეზონში ყველა მატჩში გაიტანა გოლი - საკლუბო და სანაკრებო დონეზე. სულ რვა მატჩში მის ანგარიშზე 10 გოლია, აქედან ხუთი - ბუნდესლიგაში.

* ჯეიდონ სანჩო ოთხი შედეგიანი პასით ბუნდესლიგის ლიდერია. 2018-19 წლების სეზონიდან მოყოლებული, ინგლისელს 18 საგოლე გადაცემა აქვს და ის პირველ ადგილზეა ამ მაჩვენებლით TOP5 ლიგებში მოთამაშე ფეხბურთელებს შორის.

* მარკო როისმა „დორტმუნდის“ რიგებში მე-100 მატჩი მოიგო ბუნდესლიგაში.

* „დორტმუნდმა“ ამ სეზონში პირველად გახსნა ანგარიში.

* „ჰერტამ“ ზედიზედ მესამე მატჩი წააგო.

* „აუგსბურგის“ ფეხბურთელს რიხტერს ექვსი გოლი აქვს გატანილი ბუნდესლიგაში, აქედან ოთხი „აინტრახტის“ კარში.

* „აინტრახტმა“ ბუნდესლიგაში 1700-ე მატჩი ჩაატარა. ის მერვეა კლუბის ისტორიაში, ვინც ამ ზღვარს მიაღწია.

* 89-ედ გაიმართა რაინის დერბი „კიოლნსა“ და „გლადბახს“ შორის. ეს იყო გლადბახელთა 49-ე მოგება.

* „კიოლნი“ ყველაზე ხშირად შინ „გლადბახთან აგებს - 24.

* „უნიონის“ ფეხბურთელმა ანდერსონმა ზედიზედ მესამე მატჩში გაიტანა.

* რობერტ ლევანდოვსკის „ლაიპციგის“ წინააღმდეგ ცხრა მატჩში შვიდი გოლი აქვს.

* „ფრაიბურგს“ „ჰოფენჰაიმის“ წინააღმდეგ 11-ივე მატჩში აქვს გატანილი მინიმუმ ერთი გოლი, მაგრამ მხოლოდ ორჯერ მოიგო.

* „ფრაიბურგს“ პირველ ოთხ ტურში 10 გოლი აქვს გატანილი, რაც ახალი საკლუბო რეკორდია.

* „პადერბორნმა“ ამ სეზონში ოთხივე მატჩში გაიტანა გოლი პირველ 15 წუთში.

* „შალკემ“ მე-1000 გოლი გაიტანა ბუნდესლიგაში გასვლით მატჩებში.

* ჰარითმა პირველად გაიტანა 2018 წლის ნოემბერის შემდეგ.

ფორტუნა-ვოლფსბურგი 1:1
გოლები: 1:0 გისელმანი (16), 1:1 ვეგჰორსტი (29)

დორტმუნდი-ლევერკუზენი 4:0
გოლები: 1:0 პაკო ალკასერი (28), 2:0 როისი (50), 3:0 რაფაელ გერეირო (83’), 4:0 როისი (90)

მაინცი-ჰერტა 2:1
გოლები: 1:0 კიასონი (40), 1:1 გრუიჩი (83), 2:1 სენტ ჟუსტი (88)

აუგსბურგი-აინტრახტი 2:1
გოლები: 1:0 რიხტერი (35), 2:0 ნიდერლეხნერი (43), 2:1 პასიენსია (73)

იოლნი-გლადბახი 0:1
გოლი: 0:1 პლეა (14)

უნიონი-ვერდერი 1:2
გოლები: 0:1 კლაასენი (5-პენ), 1:1 ანდერსონი (14-პენ), 1:2 ფიულკრუგი (56)
გაძევება: სუბოტიჩი (89. უნიონი), შაჰინი (90+1. ვერდერი)

ლაიპციგი-ბაიერნი 1:1
გოლები: 0:1 ლევანდოვსკი (3), 1:1 ფორსბერგი (45-პენ)

ჰოფენჰაიმი-ფრაიბურგი 0:3
გოლები: 0:1 გიუნტერი (11), 0:2 ჰაბერერი (38’), 0:3 პეტერსენი (59)

პადერბორნი-შალკე 1:5
გოლები: 1:0 კაული (8), 1:1 სანე (33), 1:2 სერდარი (49), 1:3 ჰარითი (71), 1:4 ქუთუჩუ (83), 1:5 ჰარითი (85)

1. ლაიპციგი 4 3 1 0 10:03 10
2. დორტმუნდი 4 3 0 1 13:05 9
3. ფრაიბურგი 4 3 0 1 10:03 9
4. ბაიერნი 4 2 2 0 12:04 8
5. ვოლფსბურგი 4 2 2 0 7:03 8
6. შალკე 4 2 1 1 8:04 7
7. გლადბახი 4 2 1 1 5:04 7
8. ლევერკუზენი 4 2 1 1 6:07 7
9. აინტრახტი 4 2 0 2 5:05 6
10. ვერდერი 4 2 0 2 8:09 6
11. ფორტუნა 4 1 1 2 6:07 4
12. უნიონი 4 1 1 2 5:08 4
13. ჰოფენჰაიმი 4 1 1 2 3:06 4
14. აუგსბურგი 4 1 1 2 6:10 4
15. კიოლნი 4 1 0 3 4:07 3
16. მაინცი 4 1 0 3 4:13 3
17. პადერბორნი 4 0 1 3 5:12 1
18. ჰერტა 4 0 1 3 3:10 1

ბომბარდირები: 7 - რ. ლევანდოვსკი (ბაიერნი); 5 - ტ. ვერნერი (ლაიპციგი), პ. ალკასერი (დორტმუნდი).

მომდევნო ტური
20 სექტემბერი: შალკე-მაინცი
21 სექტემბერი: ბაიერნი-კიოლნი, ლევერკუზენი-უნიონი, ჰერტა-პადერბორნი, ფრაიბურგი-აუგსბურგი, ვერდერი-ლაიპციგი
22 სექტემბერი: გლადბახი-ფორტუნა, აინტრახტი-დორტმუნდი
23 სექტემბერი: ვოლფსბურგი-ჰოფენჰაიმი

ყოველდღიური სპორტული გაზეთი "ლელო"
156
მკითხველის კომენტარები / 0 /
მსგავსი ამბები
რუბრიკის სხვა სიახლეები
;