ბუნდესლიგა. VI ტურის მიმოხილვა: ბაიერნი დაბრუნდა, ლაიპციგი ჩამორჩა, ყველა ერთმანეთის მდევარია [VIDEO]

ექვსი ტურის შემდეგ, ბუნდესლიგის ახალ გათამაშებაში ცხრილი ორ ნაწილად გაიყო. ზედა ნახევარში პირველადგილოსან „ბაიერნსა“ და მეცხრეზე მყოფ „აინტრახტს“ შორის სხვაობა ოთხი ქულაა. ქვედა ნახევარში კი უკვე ჩამორჩენილი გუნდები მოდიან...

VI ტურში მნიშვნელოვანი ამბავი მოხდა - ამ სეზონში პირველად გალიდერდა „ბაიერნი“. ეს მას შემდეგ, რაც „ლაიპციგმა“ მოულოდნელად წააგო შინ „შალკესთან“ და სეზონში პირველად დამარცხდა. „ბაიერნმა“ კი ასევე მოულოდნელად ორი გოლი გაუშვა დებიუტანტ „პადერბორნისგან“, მაგრამ მაინც მოიგო.

„ლაიპციგმა“ შეხვედრის დებიუტში სამი კარგი მომენტი გაანიავა და შემდეგ, მეორე ტაიმის შუა ნაწილისთვის სამი გოლი ჰქონდა მიღებული, რაც წაგებას ნიშნავდა. პარალელურად, „ბაიერნი“ მშვიდად უგებდა ორი გოლით „პადერბორნს“, მაგრამ დებიუტანტები არ დანებდნენ და ბოლომდე ანერვიულეს ჩემპიონი, თუმცა, მაინც წააგეს - 2:3.

ერთი გოლი რობერტ ლევანდოვსკიმ გაიტანა და ახალი ისტორია დაწერა. პოლონელს ექვს მატჩში 10 გოლი დაუგროვდა და პირველია „ბაიერნის“ ისტორიაში, ვინც ეს შედეგი აჩვენა. აქამდე, ექვს მატჩში ცხრა გოლი ჰქონდათ იუპ ჰაინკესს, გერდ მიულერს, პეტერ მაიერსსა და ლოთარ ემერიხს.
ლევანდოვსკი ექვსივე მატჩში იტანდა მინიმუმ ერთ გოლს და უმიზნებს ექს-დორტმუნდელი პიერ-ემერიკ ობამეიანგს რეკორდს, რომელმაც 2015-16 წლების სეზონი ზედიზედ რვა მატჩში გოლის გატანით დაიწყო.

მხოლოდ მერვე ადგილზეა „დორტმუნდი“, რომელმაც ზედიზედ მეორე მატჩში ითამაშა შედეგიანი ფრე და ბოლო ოთხ მატჩში მხოლოდ ერთი მოგება აქვს. ლუსიენ ფავრის გუნდი ისევ „ვერდერმა“ გაამწარა. შარშან, 32-ე ტურში ბრემენელები ორი ბურთით აგებდნენ, მაგრამ 2:2-ს მიაღწიეს და სწორედ იმ მატჩის შემდეგ ჩამორჩა „დორტმუნდი“ „ბაიერნს“ ოთხი ქულით, რითაც პრაქტიკულად დაკარგა ჩემპიონობისთვის ბრძოლის შანსი. „ვერდერი“ ამჯერადაც აგებდა, მაგრამ ისევ მიაღწია შედეგიან ფრეს და ახლა, „დორტმუნდი“ უკვე სამ ქულას აგებს ლიდერთან.

მეექვსე ტური უცნაური გამოვიდა - მხოლოდ მეშვიდედ ბუნდესლიგის ისტორიაში, ტურში ვერც ერთმა მასპინძელმა ვერ შეძლო მოგება. სტუმრებმა ცხრიდან რვა შემთხვევაში შეძლეს მოგება და ერთი მატჩი ფრედ დასრულდა.

ფაქტები

* „აინტრახტს“ „უნიონის“ სტადიონზე არასოდეს წაუგია.

* „შალკემ“ ზედიზედ მეოთხე მატჩი მოიგო - პირველად 2018 წლის მარტის შემდეგ.

* „ლაიპციგმა“ სეზონში პირველი მატჩი წააგო.

* შეწყდა „ლაიპციგის“ ცხრამატჩიანი წაუგებელის საშინაო სერია.

* ჰარითს „შალკეს“ ბოლო სამ მატჩში ოთხი გოლი და ორი შედეგიანი პასი აქვს.

* „გლადბახმა“ ზედიზედ მესამე მატჩი მოიგო.

* „გლადბახმა“ ზედიზედ მეოთხე მატჩი მოიგო სტუმრად.

* „ჰოფენჰაიმი“ ოთხი მატჩია ვერ იგებს. ამ სერიისას გუნდმა ერთი გოლი გაიტანა.

* მარკუს ტიურამს ამ სეზონში სამი გოლი და ერთი პასი დაუგროვდა.

* ჰოფენჰაიმს“ ექვს ტურში ხუთი ქულა აქვს. ეს გუნდისთვის მეორე ყველაზე ცუდი სტარტია ისტორიაში.

* „გლადბახს“ „ჰოფენჰაიმთან“ ბოლო 12 მატჩში მხოლოდ ერთი წაგება აქვს.

* „მაინცს“ ბოლო ექვს მატჩში ხუთი წაგება აქვს.

* „ვოლფსბურგში“ ამ სეზონში პირველად გაიტანა გოლი მცველმა.

* „მაინცმა“ პირველად წააგო შინ „ვოლფსბურგთან“.

* „ლევერკუზენს“ ბოლო ექვს გასვლით მატჩში ხუთი მოგება აქვს. 2019 წელს, ამ გუნდს რვა მოგება აქვს სტუმრად.

* „აუგსბურგს“ არასოდეს მოუგია „ლევერკუზენისთვის“ - ბუნდესლიგაში ჩატარებულ 19 მატჩში ექვსი ფრე და 11 მარცხი.

* „ლევერკუზენის“ პირველი გოლი 2300-ე იყო ამ გუნდისთვის ბუნდესლიგაში.

* ექვს მატჩში 13 ქულით, „ლევერკუზენმა“ საუკეთესო სტარტი აიღო ბოლო ხუთ წელიწადში.

* ბაიერნს“ ბუნდესლიგაში 20-მატჩიანი წაუგებელი სერია აქვს.

* „ბაიერნი“ ცხრა მატჩია სტუმრად არ აგებს.

* ფილიპე კოუტინიოს ბუნდესლიგაში ჩატარებულ ხუთ მატჩში ორი გოლი და ორი საგოლე პასი აქვს.

* გნაბრიმ პირველად გაიტანა 2019 წლის 28 აპრილის შემდეგ.

* ლევანდოვსკი პირველი ფეხბურთელია „ბაიერნში“, რომელმაც სეზონის პირველ ექვს მატჩში გაიტანა.

* ლევანდოვსკიმ ისტორიაში პირველმა შეძლო სეზონის პირველ ექვს მატჩში 10 გოლის გატანა.

* „პადერბორნი“ ერთადერთი მოუგებელი გუნდია ამ სეზონში.

* „დორტმუნდი“ შინ ზედიზედ 28 მატჩია უგოლოდ არ ტოვებს მოედანს.

* მარკო როისს ბუნდესლიგის კლუბებს შორის ყველაზე მეტი გოლი „ვერდერისთვის“ აქვს გატანილი - 17 მატჩში 13 გოლი.

* მარიო გიოტცემ პირველი გოლი გაიტანა 2019 წლის მაისის შემდეგ. ეს მისი 55-ე გოლია ბუნდესლიგაში.

* „ფორტუნა“ ხუთი ტურია ვერ იგებს.

* იბიშევიჩმა შეცვლაზე შესვლიდან 48 წამში გაიტანა. პირველი გოლი მან პირველი შეხებით გაიტანა, მეორე - მესამე შეხებით.


უნიონი-აინტრახტი 1:2
გოლები: 0:1 დოსტი (48), 0:2 ანდრე სილვა (62), 1:2 უჯა (86)

ლაიპციგი-შალკე 1:3
გოლები: 0:1 სანე (29), 0:2 ჰარითი (43-პენ), 0:3 მატონდო (58), 1:3 ფორსბერგი (83)

ჰოფენჰაიმი-გლადბახი 0:3
გოლები: 0:1 პლეა (43), 0:2 ტურამი (65), 0:3 ნოიჰაუსი (83)

მაინცი-ვოლფსბურგი 0:1
გოლი: 0:1 ტისერანდი (9)

აუგსბურგი-ლევერკუზენი 0:3
გოლები: 0:1 ნიდერლეხნერი (35-საკ. კარში), 0:2 ფოლანდი (76), 0:3 ჰავერცი (84)

პადერბორნი-ბაიერნი 2:3
გოლები: 0:1 გნაბრი (15), 0:2 ფილიპე კოუტინიო (55), 1:2 პრიოგერი (68), 1:3 ლევანდოვსკი (79), 2:3 კოლინზი (84)

დორტმუნდი-ვერდერი 2:2
გოლები: 0:1 რაშიკა (8), 1:1 გიოტცე (9), 2:1 როისი (41), 2:2 ფრიდლი (55)

ფორტუნა-ფრაიბურგი 1:2
გოლები: 1:0 ჰენინგსი (42), 1:1 შმიდი (45), 1:2 ვალდშმიდტი (81)

კიოლნი-ჰერტა 0:4
გოლები: 0:1 დილროსუნი (23), 0:2 იბიშევიჩი (59), 0:3 იბიშევიჩი (63), 0:4 ბოიატა (83)
გაძევება: მერე (41. კიოლნი)

1. ბაიერნი 6 4 2 0 19:6 14
2. ლაიპციგი 6 4 1 1 14:6 13
3. ფრაიბურგი 6 4 1 1 13:5 13
4. შალკე 6 4 1 1 13:6 13
5. გლადბახი 6 4 1 1 10:5 13
6. ლევერკუზენი 6 4 1 1 11:7 13
7. ვოლფსბურგი 6 3 3 0 9:4 12
8. დორტმუნდი 6 3 2 1 17:9 11
9. აინტრახტი 6 3 1 2 9:8 10
10. ჰერტა 6 2 1 3 9:11 7
11. ვერდერი 6 2 1 3 10:14 7
12. ჰოფენჰაიმი 6 1 2 3 4:10 5
13. აუგსბურგი 6 1 2 3 7:14 5
14. ფორტუნა 6 1 1 4 8:11 4
15. უნიონი 6 1 1 4 6:12 4
16. მაინცი 6 1 0 5 5:16 3
17. კიოლნი 6 1 0 5 4:15 3
18. პადერბორნი 6 0 1 5 8:17 1

ბომბარდირები: 10 - რ. ლევანდოვსკი (ბაიერნი); 5 - ტ. ვერნერი (ლაიპციგი), პ. ალკასერი (დორტმუნდი); 4 - ა. ჰარითი (შალკე), მ. როისი (დორტმუნდი).

მომდევნო ტური
4 ოქტომბერი: ჰერტა-ფორტუნა
5 ოქტომბერი: ბაიერნი-ჰოფენჰაიმი, ლევერკუზენი-ლაიპციგი, ფრაიბურგი-დორტმუნდი, პადერბორნი-მაინცი, შალკე-კიოლნი
6 ოქტომბერი: გლადბახი-აუგსბურგი, ვოლფსბურგი-უნიონი, აინტრახტი-ვერდერი

ყოველდღიური სპორტული გაზეთი "ლელო"
135
მკითხველის კომენტარები / 0 /
მსგავსი ამბები
რუბრიკის სხვა სიახლეები
;