ბუნდესლიგა. VI ტურის წინათქმა: ლაიპციგი არ ხუმრობს, მდევრები ჩასაფრებულები არიან

მიმდინარე ბუნდესლიგას ერთბაშად რამდენიმე გუნდი-სიურპრიზი ჰყავს, მაგრამ მათ შორის მთავარი, უდავოდ, „ლაიპციგია“.

აღმოსავლეთგერმანული გუნდი დიდებულ ფეხბურთს თამაშობს და შემთხვევითი არ არის, რომ ბუნდესლიგას ლიდერობს. „ლაიპციგს“ აშკარად ეტყობა ახალგაზრდა სპეციალისტის, იულიან ნაგელსმანის ხელი, რაც, თავის მხრივ, ძალიან მოაკლდა „ჰოფენჰაიმს“...

ამ ტურის ცენტრალურ „ლაიპციგი“ „შალკეს“ დაუპირისპირდება. რა თქმა უნდა, ამ შეხვედრაში ფავორიტები მასპინძლები არიან, მაგრამ სათქმელია ისიც, რომ „ხუმარებმაც“ კარგი სტარტი აიღეს ბუნდესლიგაში.

წესითა და რიგით იოლი გასეირნება უნდა გამოუვიდეს „ბაიერნს“. „პადერბორნი“ ნამდვილად არ უნდა იყოს ის გუნდი, რომელიც მადაზე მოსულ „რეკორდმაისტერს“ წინააღმდეგობას გაუწევს.

მართლაც, „ბაიერნი“ დღითი დღე სულ უფრო საშიში ხდება. რაც მთავარია, ათამაშდნენ ახალწვეულები - ივან პერიშიჩის და ფილიპე კოუტინიოს მეთაურობით. ეს გარემოება კიდევ უფრო ზრდის მიუნხენელთა ძალას.

როცა ბუნდესლიგის ფავორიტებზე ვსაუბრობთ, არამც და არამც არ უნდა დაგვავიწყდეს „დორტმუნდი“. ამ ტურში დორტმუნდელები „ვერდერს“ შეხვდებიან. ნებისმიერ შემთხვევაში უაღრესად საინტერესო შეხვედრა უნდა ვიხილოთ. ისტორია გვასწავლის, რომ ამ ორი გუნდის დაპირისპირება ყოველთვის კარგი სანახაობითა და უხვგოლიანობით გამოირჩეოდა. ასე უნდა იყოს ამჯერადაც.

ფაქტები

* „აინტრახტმა“ ზედიზედ სამ თამაშში აჯობა „უნიონს“.

* ლევერკუზენმა მიჯრით ორი შეხვედრა მოუგო „აუგსბურგს“.

* „ჰოფენჰაიმისა“ და „გლადბახის“ ბოლო 3 მატჩი ფრედ დასრულდა.

* „მაინცისა“ და „ვოლფსბურგის“ ბოლო ორ თამაშში ორივეს არ გაუტანია.

* „ბაიერნი“ 4-ჯერ შეხვდა „პადერბორნს“ და 4-ვე მატჩი მოუგო.

* „ლაიპციგისა“ და „შალკეს“ ბოლო ორ შეხვედრაში ორივეს არ გაუტანია.

* „დორტმუნდისა“ და „ვერდერის“ ბოლო 12 შეხვედრაში 2,5-ზე მეტი გოლი გავიდა.

* „ჰერტამ“ ბოლო ორ მატჩში სძლია „კიოლნს“.

გერმანია. ბუნდესლიგა. VI ტური

პარასკევი, 27 სექტემბერი
უნიონი-აინტრახტი 22:30

შაბათი, 28 სექტემბერი
ლაიპციგი-შალკე 17:30
ჰოფენჰაიმი-გლადბახი 17:30
მაინცი-ვოლფსბურგი 17:30
აუგსბურგი-ლევერკუზენი 17:30
პადერბორნი-ბაიერნი 17:30
დორტმუნდი-ვერდერი 20:30

კვირა, 29 სექტემბერი
ფორტუნა-ფრაიბურგი 17:30
კიოლნი-ჰერტა 20:00

1. ლაიპციგი 5 4 1 0 13:3 13
2. ბაიერნი 5 3 2 0 16:4 11
3. დორტმუნდი 5 3 1 1 15:7 10
4. ფრაიბურგი 5 3 1 1 11:4 10
5. შალკე 5 3 1 1 10:5 10
6. გლადბახი 5 3 1 1 7:5 10
7. ლევერკუზენი 5 3 1 1 8:7 10
8. ვოლფსბურგი 5 2 3 0 8:4 9
9. აინტრახტი 5 2 1 2 7:7 7
10. ვერდერი 5 2 0 3 8:12 6
11. ჰოფენჰაიმი 5 1 2 2 4:7 5
12. აუგსბურგი 5 1 2 2 7:11 5
13. ფორტუნა 5 1 1 3 7:9 4
14. უნიონი 5 1 1 3 5:10 4
15. ჰერტა 5 1 1 3 5:11 4
16. კიოლნი 5 1 0 4 4:11 3
17. მაინცი 5 1 0 4 5:15 3
18. პადერბორნი 5 0 1 4 6:14 1

ბომბარდირები: 9 - რ. ლევანდოვსკი (ბაიერნი); 5 - ტ. ვერნერი (ლაიპციგი), პ. ალკასერი (დორტმუნდი).

ყოველდღიური სპორტული გაზეთი "ლელო"
246
მკითხველის კომენტარები / 0 /
მსგავსი ამბები
რუბრიკის სხვა სიახლეები
;