ბუნდესლიგა. VIII ტურის წინათქმა: ბორუსია ბორუსიის წინააღმდეგ

ბევრი ვერ წარმოიდგენდა, რომ თუნდაც 7 ტურის შემდეგ ბუნდესლიგის სატურნირო ცხრილის სათავეში “გლადბახი” იქნებოდა. ცოტა არასტაბილურმა, მაგრამ ძალიან სანახაობრივმა გუნდმა ეს შეძლო და ჩვენც მისით დავიწყოთ ბუნდესლიგის მორიგი, VIII ტურის პრევიუ.

მით უმეტეს, ტურის ცენტრალურ შეხვედრაში მიონხენგლადბახის “ბორუსიას” მეტოქე დორტმუნდელი სეხნია იქნება. ლუსიენ ფავრი თავის ყოფილ კლუბს დაუპირისპირდება. შვეიცარიელმა სპეციალისტმა “გლადბახში” 2011-15 წლებში იმუშავა და ძალზე წარმატებითაც.

წესით, კარგი სანახავი მატჩი უნდა გამოდგეს: ორივე გუნდი შემტევი და სანახაობრივი ფეხბურთის მიმდევარია. პრინციპში, სადაც ფავრი გაერევა, იქ სხვანაირად არც შეიძლება იყოს.

ძალიან საინტერესო თამაშს ველით მეორე ადგილზე მყოფი “ვოლფსბურგისა” და მეხუთეადგილოსანი “ლაიპციგის” დაპირისპირებაში. ალბათ, გოლები არც ამ თამაშში უნდა მოგვაკლდეს. “ლაიპციგს” სხვანაირად თამაში, უბრალოდ, არ შეუძლია. ასეთივე სტილს ქადაგებს დღევანდელი “ვოლფსბურგიც”.

როცა ბუნდესლიგაზე ვწერთ, აბა, როგორ ავუვლით გვერდს “ბაიერნს”. “რეკორდმაისტერი” გასვლაზე თამაშობს “აუგსბურგთან”. მასპინძლების მიმართ დიდი პატივისცემის მიუხედავად, “ბაიერნმა” უნდა მოიგოს.

ტურის პირველი მატჩიც ძალიან კარგ სანახაობას გვიქადის, რადგან შემტევი გუნდები არიან “აინტრახტი” და “ლევერკუზენი”. მოკლედ, იმედი გვაქვს, პარასკევის საღამოც კარგად უნდა დაიწყოს...

ფაქტები

* “აინტრახტისა” და “ლევერკუზენის” ბოლო 3 შეხვედრაში ორივემ გაიტანა.

* ანალოგიური მაჩვენებელი დაფიქსირდა “აუგსბურგისა” და “ბაიერნის” უკანასკნელ 3 დუელშიც.

* “ლაიპციგმა” ყველა ფრონტზე ზედიზედ ორჯერ მოუგო “ვოლფსბურგს”.

* “უნიონმა” და “ფრაიბურგმა”, ყველა ტურნირის ჩათვლით, ზედიზედ სამჯერ გაიტანეს 2,5-ზე მეტი გოლი.

* “ვერდერისა” და “ჰერტას” ბოლო 2 მატჩში ორივემ გაიტანა.

* “დორტმუნდმა” ყველა ფრონტზე მიჯრით 8 მატჩი მოუგო “გლადბახს”.

* “ჰოფენჰაიმისა” და “შალკეს” ბოლო 3 შეხვედრაში ორივე გუნდმა გაიტანა მინიმუმ ერთი გოლი მაინც.

გერმანია. ბუნდესლიგა. VIII ტური

პარასკევი, 18 ოქტომბერი
აინტრახტი-ლევერკუზენი 22:30

შაბათი, 19 ოქტომბერი
ლაიპციგი-ვოლფსბურგი 17:30
ვერდერი-ჰერტა 17:30
ფორტუნა-მაინცი 17:30
აუგსბურგი-ბაიერნი 17:30
უნიონი-ფრაიბურგი 17:30
დორტმუნდი-გლადბახი 20:30

კვირა, 20 ოქტომბერი
კიოლნი-პადერბორნი 17:30
ჰოფენჰაიმი-შალკე 20:00

1. გლადბახი 7 5 1 1 15:6 16
2. ვოლფსბურგი 7 4 3 0 10:4 15
3. ბაიერნი 7 4 2 1 20:8 14
4. ლაიპციგი 7 4 2 1 15:7 14
4. ფრაიბურგი 7 4 2 1 15:7 14
6. შალკე 7 4 2 1 14:7 14
7. ლევერკუზენი 7 4 2 1 12:8 14
8. დორტმუნდი 7 3 3 1 19:11 12
9. აინტრახტი 7 3 2 2 11:10 11
10. ჰერტა 7 3 1 3 12:12 10
11. ვერდერი 7 2 2 3 12:16 8
12. ჰოფენჰაიმი 7 2 2 3 6:11 8
13. მაინცი 7 2 0 5 7:17 6
14. აუგსბურგი 7 1 2 4 8:19 5
15. ფორტუნა 7 1 1 5 9:14 4
16. უნიონი 7 1 1 5 6:13 4
17. კიოლნი 7 1 1 5 5:16 4
18. პადერბორნი 7 0 1 6 9:19 1

ბომბარდირები: 11 - რ. ლევანდოვსკი (ბაიერნი); 5 - ტ. ვერნერი (ლაიპციგი), პ. ალკასერი (დორტმუნდი).

ყოველდღიური სპორტული გაზეთი "ლელო"
196
მკითხველის კომენტარები / 0 /
მსგავსი ამბები
რუბრიკის სხვა სიახლეები
;