ბუნდესლიგა. XVIII ტურის წინათქმა: ველით გოლების წვიმას - 'დორტმუნდი' სრული სვლით წინ

ბუნდესლიგა ორი მაგარი მატჩით განახლდება. პარასკევის შეხვედრით დავიწყოთ. „ბაიერნი“ ჩადის „ჰოფენჰაიმთან“ სათამაშოდ და „დორტმუნდის“ მიერ აკრეფილ ტემპს თუ გავითვალისწინებთ, მხოლოდ 3 ქულაზე უნდა იფიქროს.

„ბაიერნს“ იოლი გამოცდა ნამდვილად არ ელოდება. „რეკორდმაისტერს“ არიენ რობენი და ფრანკ რიბერი დააკლდებიან. ახალგაზრდებზე ძალიან დიდ დატვირთვას უნდა ველოდოთ. მათ უნდა გაუძლონ, რადგან ახლა სწორედ მათი დრო მოდის. ამ შეხვედრაში დიდ სანახაობას და გოლების წვიმას ველით.

უდიდეს ინტერესს იწვევს ასევე „ლაიპციგისა“ და „დორტმუნდის“ შეხვედრა. აქაც გვარიანი სანახაობის მოლოდინში ვართ და, წესით, იმედი არ უნდა გაგვიცრუვდეს. არც ერთი დაპირისპირებული მხარის კოზირი არ არის დაცვაში თამაში.

რა თქმა უნდა, ასეთ დროს ბედი შეტევაში უნდა ეძებო. „დორტმუნდის“ ლაზარეთში ისევ არიან ფეხბურთელები, მაგრამ გუნდი უკვე მიეჩვია ამას. ბოლო წლებში ეს უკვე ტრადიციული პრობლემაა. ახლაც, მნიშვნელოვანი მატჩის წინ ტრამირებულები არიან პაკო ალკასერი, მარკო როისი, მარიო გიოტცე, აბდუ დიალო, დან-აქსელ ზაგადუ... ცხადია, ამათგან ყველა არ დააკლდება „დორტმუნდს“, მაგრამ ეს მაინც დიდ საფიქრალს უჩენს ლუსიენ ფავრს.

ასევე სანახაობრივი თამაში უნდა გამოვიდეს „ლევერკუზენსა“ და „გლადბახს“ შორის. ამ გუნდების მთავარი კოზირიც შეტევაა. შესაბამისად, გამოვრიცხავთ, მათ ერთმანეთის წინააღმდეგ დაცვითი რედუტები ააგონ.

მოკლედ, ბუნდესლიგის მორიგი ტურისგან ძალიან დიდი მოლოდინი გვაქვს და იმედს ვიტოვებთ, ეს მოლოდინი არ გაგვიცრუვდება.

ფაქტები

* „ჰოფენჰაიმისა“ და „ბაიერნის“ ბოლო ორ შეხვედრაში ორივემ გაიტანა.

* „აუგსბურგმა“ ბოლო 2 მატჩი მოუგო „ფორტუნას“.

* „ლევერკუზენისა“ და „გლადბახის“ ბოლო 3 შეხვედრაში ორივეს არ გაუტანია.

* „აინტრახტისა“ და „ფრაიბურგის“ ბოლო 3 მატჩიდან 2 ფრედ დასრულდა.

* „ჰანოვერისა“ და „ვერდერის“ ბოლო 2 შეხვედრაში ორივემ გაიტანა მინიმუმ ერთი გოლი მაინც.

* „მაინცმა“ ბოლო 2 თამაშში აჯობა „შტუტგარტს“.

* „ლაიპციგისა“ და „დორტმუნდის“ ბოლო 2 შეხვედრაში ორივემ გაიტანა.

* „ვოლფსბურგმა“ ბოლო 3 ბუნდესლიგური მატჩი მოიგო.


გერმანია. ბუნდესლიგა. XVIII ტური

პარასკევი, 18 იანვარი
ჰოფენჰაიმი-ბაიერნი 23:30

შაბათი, 19 იანვარი
ლევერკუზენი-გლადბახი 18:30
შტუტგარტი-მაინცი 18:30
აინტრახტი-ფრაიბურგი 18:30
აუგსბურგი-ფორტუნა 18:30
ჰანოვერი-ვერდერი 18:30
ლაიპციგი-დორტმუნდი 21:30

კვირა, 20 იანვარი
ნიურნბერგი-ჰერტა 18:30
შალკე-ვოლფსბურგი 21:00

თ მ ფ წ ბ ქ
1. დორტმუნდი 17 13 3 1 44:18 42
2. ბაიერნი 17 11 3 3 36:18 36
3. გლადბახი 17 10 3 4 36:18 33
4. ლაიპციგი 17 9 4 4 31:17 31
5. ვოლფსბურგი 17 8 4 5 27:22 28
6. აინტრახტი 17 8 3 6 34:23 27
7. ჰოფენჰაიმი 17 6 7 4 32:23 25
8. ჰერტა 17 6 6 5 26:27 24
9. ლევერკუზენი 17 7 3 7 26:29 24
10. ვერდერი 17 6 4 7 28:29 22
11. ფრაიბურგი 17 5 6 6 21:25 21
12. მაინცი 17 5 6 6 17:22 21
13. შალკე 17 5 3 9 20:24 18
14. ფორტუნა 17 5 3 9 19:33 18
15. აუგსბურგი 17 3 6 8 25:29 15
16. შტუტგარტი 17 4 2 11 12:35 14
17. ჰანოვერი 17 2 5 10 17:35 11
18. ნიურნბერგი 17 2 5 10 14:38 11

ბომბარდირები: 12 - პაკო ალკასერი (დორტმუნდი), ლუკა იოვიჩი (აინტრახტი); 11 - მარკო როისი (დორტმუნდი), ტიმო ვერნერი (ლაიპციგი); 10 - რობერტ ლევანდოვსკი (ბაიერნი); 9 - სებასტიან ჰალერი (აინტრახტი), თორგან აზარი (გლადბახი), ალასან პლეა (გლადბახი).

ყოველდღიური სპორტული გაზეთი "ლელო"
523
მკითხველის კომენტარები / 0 /
მსგავსი ამბები
რუბრიკის სხვა სიახლეები
;