ბუნდესლიგა. XXII ტურის მიმოხილვა: პისაროს ახალი ისტორია, 'ბაიერნს' კი გაუჭირდა [VIDEO]

ბუნდესლიგის 22-ე ტური მოქმედი ჩემპიონის, მიუნხენის “ბაიერნის” რთული მოგებით დაიწყო. ნიკო კოვაჩის გუნდი ორჯერ აგებდა სტუმრად “აუგსბურგის” წინააღმდეგ, მაგრამ მაინც გამოსტაცა გამარჯვება მეტოქეს - 3:2.

ყველაფერი დაიწყო მე-13 წამზე “ბაიერნის” ნახევარმცველ ლეონ გორეტცკას ავტოგოლით. ის გახდა ბუნდესლიგაში პირველი ფეხბურთელი ბოლო 40 წლის განმავლობაში, ვინც პირველ წუთზე საკუთარ კარში გოლი გაიტანა.

შეხვედრის გმირი აღმოჩნდა კინგსლი კომანი, რომელმაც ორჯერ გაათანაბრა ანგარიში გორეტცკას ავტოგოლისა და ჟის გოლების შემდეგ. პირველი ტაიმის შემდეგ თანაფარდობა იყო - 2:2, მეორე ტაიმის დასაწყისში კი კომანმა უკვე საგოლე გადაცემა გააკეთა და დავიდ ალაბას გაატანინა გამარჯვების გოლი - 3:2.
კომანმა შეხვედრა ტრავმით დაასრულა, თუმცა, მოგვიანებით გაირკვა, რომ დაზიანება სერიოზული არ არის და ფრანგი შეძლებს სამშაბათს, ჩემპიონთა ლიგის მერვედფინალში “ლივერპულის” წინააღმდეგ თამაშს.

მატჩის შემდეგ, მწყობრში დაბრუნებულმა მანუელ ნოიერმა აღიარა, რომ ასეთი დაცვით “ბაიერნს” ძალიან გაუჭირდება “ლივერპულთან” მატჩებში. მართლაც, 2019 წელს ჩატარებულ ექვსივე ოფიციალურ შეხვედრაში მიუნხენელებს კარი “მშრალად” არ შეუნახავთ.

“ბაიერნმა” ორ ქულამდე შეამცირა სხვაობა ლიდერ “დორტმუნდთან”, რომელიც 22-ე ტურში თავის შეხვედრას დღეს ჩაატარებს აუტსაიდერ “ნიურნბერგის” წინააღმდეგ.

ამ ტურში ისტორიული მოვლენა მოხდა. “ვერდერის” ფორვარდმა კლაუდიო პისარომ 40 წლის, ოთხი თვისა და 13 დღის ასაკში გაიტანა გოლი. ის გახდა ბუნდესლიგაში ყველაზე ასაკოვანი ფეხბურთელი, რომელსაც გერმანიის ჩემპიონატში გოლი გაუტანია.

წინა რეკორდსმენი იყო ასევე ექს-ბრემენელი მირკო ვოტავა, რომელიც 40 წლის, სამი თვისა და ერთი დღის იყო, როცა 1996 წლის აგვისტში “შტუტგარტს” გაუტანა.

გარდა ამისა, ამ გოლით პისარო გახდა პირველი და ერთადერთი ფეხბურთელი, რომელსაც უმაღლეს დონეზე ზედიზედ 21 სეზონია, გააქვს გოლი.

ფაქტები

* ლეონ გორეტცკას ავტოგოლი ყველაზე სწრაფი გოლია ამ სეზონში.
* კინგსლი კომანმა პირველი დუბლი შეასრულა 2017 წლის თებერვლის შემდეგ.
* “აუგსბურგმა” პირველად გაუტანა ოფიციალურ მატჩში “ბაიერნს” ერთზე მეტი გოლი.
* “ბაიერნმა” ამ სეზონში 13-ჯერ გაარტყა ბურთი ძელს, რაც ყველაზე მეტია მიმდინარე სეზონში.
* “შალკე” ოთხი ტურია ვერ იგებს.
* “ფრაიბურგმა” ზედიზედ მესამე ფრე ითამაშა.
* “ფრაიბურგი” ხუთი ტურია, ვერ იგებს.
* “შალკეს” სასტარტო შემადგენლობის ასაკი (24.5 წელი) ყველაზე მცირე იყო 2016 წლის დეკემბრის შემდეგ.
* “ჰოფენჰაიმი” ოთხი ტურია არ აგებს.
* “ჰოფენჰაიმმა” შეწყვიტა შინ ხუთმატჩიანი მოუგებელი სერია.
* “ჰანოვერს” სტუმრად ბუნდესლიგაში ზედიზედ 23 მატჩია არ მოუგია - 2017 წლის 21 ოქტომბრის შემდეგ.
* “ჰოფენჰაიმმა” ბოლო 30 მატჩში მხოლოდ მესამედ შეინახა კარი “მშრალად”.
* “ლაიპციგი” ოთხი ტურია არ აგებს.
* “ლაიპციგმა” ზედიზედ მესამე გასვლითი მატჩი მოიგო.
* “შტუტგარტს” შვიდმატჩიანი მოუგებელი სერია აქვს. ამ შვიდ მატჩში ექვსი წააგო.
* “შტუტგარტს” ოთხი ტურია შინ არ მოუგია.
* იუსუფ პოულსენმა ამ სეზონში მეხუთე დუბლი შეასრულა.
* “ლაიპციგმა” შტუტგარტში ბოლო შვიდ მატჩში მეექვსედ მოიგო.
* “მაინცმა” ზედიზედ მესამედ წააგო. სამივე დიდი ანგარიშით.
* “ვოლფსბურგს” არ წაუგია ამ სეზონში, როცა დაწინაურებული იყო ანგარიშში.
* “ვოლფსბურგი” 1100-ე მატჩს ატარებდა ბუნდესლიგაში.
* “მაინცმა” ბოლო ცხრა მატჩიდან ექვსში პირველ 15 წუთში გაუშვა გოლი.
* “ჰერტა” ოთხი ტურია შინ ვერ იგებს.
* “ვერდერს” ხუთმატჩიანი წაუგებელი სერია აქვს.
* “ვერდერი” კვლავაც ერთადერთი გუნდია სეზონში, რომელსაც ყველა მატჩში გოლი აქვს გატანილი.
* “ვერდერმა” ჩამორჩენის შემდეგ, ვერც ერთი შეხვედრა ვერ მოიგო ამ სეზონში.
* “ჰერტა” ზედიზედ 11 მატჩია ვერ უგებს “ვერდერს”.
* “აინტრახტმა” ზედიზედ მეოთხე ფრე ითამაშა.
* “აინტრახტი” შვიდი ტურია არ აგებს.
* “გლადბახმა” საჯარიმოს გარედან მეექვსე გოლი გაიტანა. ამ მაჩვენებლით სეზონის ლიდერია “დორტმუნდი” - შვიდი გოლი.
* “გლადბახმა” თავისი ბოლო ხუთი გოლი მატჩების ბოლო 15 წუთში გაიტანა.
* იოსიპ დრმიჩმა ამ სეზონში პირველი მატჩი ჩაატარა, რაც 50-ე იყო მისთვის “გლადბახის” მაისურით.
* “ლევერკუზენმა” ზედიზედ მეოთხე მატჩი მოიგო.
* “ლევერკუზენს” ბოლო შვიდ მატჩში ექვსი მოგება დაუგროვდა.
* “ლევერკუზენი” 12 ქულით საუკეთესო გუნდია 2019 წელს.
* 39 წლის იაროსლავ დრობნი “ფორტუნას” ყველა დროის ყველაზე ასაკოვანი ფეხბურთელი გახდა.
* “ფორტუნას” დამრიგებელმა ფუნკელმა 801-ე მატჩი ჩაატარა ბუნდესლიგაში (მოთამაშისა და მწვრთნელის ამპლუაში), რითაც გაუთანაბრდა ფელიქს მაგათს. მათზე წინ მხოლოდ იუპ ჰაინკესი და ოტო რეჰაგელი არიან.
* 19 წლის კაი ჰაფერცს ბოლო ექვს მატჩში ხუთი გოლი აქვს. მან ბენდესლიგაში 75-ე მატჩი ჩაატარა.

აუგსბურგი-ბაიერნი 2:3
გოლები: 1:0 გორეტცკა (1-საკ. კარში), 1:1 კომანი (17), 2:1 ჟი (24), 2:2 კომანი (45+3), 2:3 ალაბა (53)



შალკე-ფრაიბურგი 0:0

ჰოფენჰაიმი-ჰანოვერი 3:0
გოლები: 1:0 ჟოელინტონი (4), 2:0 ბელფოდილი (14), 3:0 დემირბაი (80)

შტუტგარტი-ლაიპციგი 1:3
გოლები: 0:1 პოულსენი (6), 1:1 ცუბერი (16-პენ), 1:2 ზაბიტცერი (68), 1:3 პოულსენი (74)

ვოლფსბურგი- მაინცი 3:0
გოლები: 1:0 არნოლდი (4), 2:0 ვეგჰორსტი (70-პენ), 3:0 კნოხე (76)

ჰერტა-ვერდერი 1:1
გოლები: 1:0 ზელკე (25), 1:1 პისარო (90+6)

აინტრახტი-გლადბახი 1:1
გოლები: 1:0 და კოსტა (45+1), 1:1 ზაკარია (82)

ლევერკუზენი-ფორტუნა 2:0
გოლები: 1:0 ჰაფერცი (18), 2:0 ბეილი (66)

ორშაბათი, 18 თებერვალი
ნიურნბერგი-დორტმუნდი 23:30

1. დორტმუნდი 21 15 5 1 54:23 50
2. ბაიერნი 22 15 3 4 50:26 48
3. გლადბახი 22 13 4 5 42:22 43
4. ლაიპციგი 22 12 5 5 41:19 41
5. ლევერკუზენი 22 11 3 8 39:32 36
6. ვოლფსბურგი 22 10 5 7 35:30 35
7. აინტრახტი 22 9 7 6 41:28 34
8. ჰოფენჰაიმი 22 8 9 5 44:32 33
9. ჰერტა 22 8 8 6 35:32 32
10. ვერდერი 22 8 7 7 37:33 31
11. მაინცი 22 7 6 9 23:36 27
12. ფორტუნა 22 7 4 11 25:41 25
13. ფრაიბურგი 22 5 9 8 29:37 24
14. შალკე 22 6 5 11 25:32 23
15. აუგსბურგი 22 4 6 12 31:40 18
16. შტუტგარტი 22 4 3 15 18:50 15
17. ჰანოვერი 22 3 5 14 20:47 14
18. ნიურნბერგი 21 2 6 13 17:46 12

ბომბარდირები: 14 - ლუკა იოვიჩი (აინტრახტი); 13 - მარკო როისი (დორტმუნდი), რობერტ ლევანდოვსკი (ბაიერნი); 12 - იუსუფ პოულსენი (ლაიპციგი), პაკო ალკასერი (დორტმუნდი); 11 - სებასტიან ჰალერი (აინტრახტი), ტიმო ვერნერი (ლაიპციგი).

მომდევნო ტური
22 თებერვალი: ვერდერი-შტუგარტი
23 თებერვალი: ბაიერნი-ჰერტა, გლადბახი-ვოლფსბურგი, ფრაიბურგი-აუგსბურგი, მაინცი-შალკე, ფორტუნა-ნიურნბერგი
24 თებერვალი: ჰანოვერი-აინტრახტი, ლევერკუზენი-დორტმუნდი
25 თებერვალი: ლაიპციგი-ჰოფენჰაიმი

ყოველდღიური სპორტული გაზეთი "ლელო"
609
მკითხველის კომენტარები / 0 /
მსგავსი ამბები
რუბრიკის სხვა სიახლეები
;