ბუნდესლიგა. XXV ტურის მიმოხილვა: ხელისუფალი ისევ ორია [VIDEO]

“ლივერპულთან” ჩემპიონთა ლიგის განმეორებითი მერვედფინალის წინ, “ბაიერნის” მზადყოფნა უნდა შეემოწმებინა “ვოლფსბურგს”, რომელსაც სერიოზულად აქვს განზრახული ევროტურნირებზე დაბრუნება.

“რეკორდმაისტერმა” არ შეიმჩნია “მგლების” წინააღმდეგობა და გააგრძელა რამდენიმე ტენდენცია. მაგალითად, ის, რომ რობერტ ლევანდოვსკის ძალიან უყვარს “მგლების” კარში გოლების გატანა (17 თამაშში 20 ბურთი), “ვოლფსბურგის” მთავარმა მწვრთნელმა ბრუნო ლაბადიამ კი არასდროს იცის, როგორ მოუგოს “ბაიერნს” (ზედიზედ 14 წაგება).

თუმცა, პირველ გოლამდე მისასვლელად მასპინძლებს, ასე თუ ისე, ბევრი დრო დასჭირდათ, რადგან საჯარიმოში ჩაწოდების ტაქტიკას შედეგი არ მოჰქონდა. და, როცა ბავარიელებმა გადაწყვიტეს მეტოქის დაცვის ცენტრის შემოწმება, “მგლებმა” ვეღარ გაძლეს. განსაკუთრებით იხეირეს ლევანდოვსკიმ, რომელმაც დუბლი შეასრულა, სერჟ გნაბრიმ - გოლი და პასი მიითვალა, ხოლო ფრანკ რიბერიმ შეცვლაზე შესვლის შემდეგ, ცხრა წუთში სამი საგოლე პასი შეასრულა!
“დორტმუნდმა” შეინარჩუნა ქულათა თანაფარდობა “ბაიერნთან”, მაგრამ ბურთების სხვაობით ჩამორჩება ჩემპიონს. ლუსიენ ფავრის გუნდს ისევ გაუჭირდა და ბოლო ექვს წუთში გატეხა “შტუტგარტი”.

ფაქტები

* “ვერდერი” რვა მატჩია არ მარცხდება.

* “შალკემ” ზედიზედ მესამედ წააგო.

* “შალკე” სტუმრად ზედიზედ მესამედ დამარცხდა.

* “შალკეს” შვიდმატჩიანი მოუგებელი სერია აქვს.

* “შალკეს” 25 ტურში ყველაზე ცუდი შედეგი აქვს 1982-83 წლების სეზონის შემდეგ.

* “ბაიერნმა” ზედიზედ მეხუთედ მოიგო.

* “ბაიერნმა” შინ ზედიზედ მეექვსედ გაიმარჯვა.

* “ბაიერნს” ბოლო 13 მატჩში 12 მოგება აქვს.

* რობერტ ლევანდოვსკიმ ბუნდესლიგაში 197-ე გოლი გაიტანა და ლიგის ისტორიაში ყველაზე შედეგიანი ლეგიონერი გახდა.

* ლევანდოვსკიმ “ვოლფსბურგის” წინააღმდეგ 17 მატჩში 20 გოლი გაიტანა.

* ხამეს როდრიგესმა ოქტომბრის შემდეგ პირველი გოლი გაიტანა ბუნდესლიგაში.

* “ვოლფსბურგის” მთავარმა მწვრთნელმა ბრუნო ლაბადიამ ზედიზედ მე-14 მატჩი წააგო “ბაიერნთან”.

* შეწყდა “ვოლფსბურგის” ხუთმატჩიანი წაუგებელი სერია.

* “დორტმუნდს” ბოლო ცხრა მატჩში ერთი წაგება აქვს.

* “დორტმუნდი” შინ 13 მატჩია არ აგებს.

* “დორტმუნდმა” მეხუთე ტურის შემდეგ პირველად დაკარგა ლიდერობა.

* კრისტიან პულიშიჩმა სექტემბრის შემდეგ პირველი გოლი გაიტანა ბუნდესლიგაში.

* “შტუტგარტს” სტუმრად შვიდი მატჩია არ მოუგია.

* “ლაიპციგი” შვიდი მატჩია არ აგებს.

* “ლაიპციგს” შინ ოთხმატჩიანი მოუგებელი სერია აქვს.

* “ლაიპციგს” საუკეთესო დაცვა ჰყავს ჩემპიონატში. გუნდის მეკარეს გულაშის სეზონში 12 “მშრალი” მატჩი დაუგროვდა.

* “აუგსბურგს” რვამატჩიანი მოუგებელი სერი აქვს სტუმრად.

* ლუშტენბერგერმა “ჰერტას” რიგებში მე-300 მატჩი ჩაატარა.

* ნილს პეტერსენს მეორე წრეში უკვე ხუთი გოლი დაუგროვდა.

* “ფრაიბურგმა” ბოლო შვიდ მატჩში მხოლოდ ერთი წააგო.

* “გლადბახმა” დაასრულა ოთხმატჩიანი მოუგებელი სერია.

* “გლადბახი” ოთხი მატჩია სტუმრად არ მარცხდება.

* “მაინცმა” ბოლო ექვს მატჩში მეხუთედ წააგო.

* “მაინცს” “გლადბახთან” ბოლო 16 მატჩში მხოლოდ ორი მოგება აქვს.

* “ნიურნბერგი” 19 ტურია ვერ იგებს.

* “ნიურნბერგმა” სტუმრად ზედიზედ მეშვიდედ წააგო.

* “ნიურნბერგი” 18 მატჩია სტუმრად ვერ იგებს.

* კრამარიჩს ზედიზედ 12 პენალტი აქვს გატანილი.

* “ჰანოვერმა” ზედიზედ მეოთხედ წააგო.

* ფოლანდმა სეზონში მესამე დუბლი შეასრულა.

* ტამ ბუნდესლიგაში “ლევერკუზენის” მაისურით მე-100 მატჩი ჩაატარა.

* იედვაიმ მე-100 ოფიციალური მატჩი ჩაატარა “ლევერკუზენში”.

ვერდერი-შალკე 4:2
გოლები: 0:1 ემბოლო (26), 1:1 რაშიკა (31), 2:1 კრუზე (51-პენ), 3:1 რაშიკა (73), 3:2 ემბოლო (85), 4:2 ჰარნიკი (90+4)

ბაიერნი-ვოლფსბურგი 6:0
გოლები: 1:0 გნაბრი (34), 2:0 ლევანდოვსკი (37), 3:0 ხამეს როდრიგესი (52), 4:0 მიულერი (76), 5:0 კიმიხი (82), 6:0 ლევანდოვსკი (85)



დორტმუნდი-შტუტგარტი 3:1
გოლები: 1:0 როისი (62-პენ), 1:1 კემპფი (71), 2:1 პაკო ალკასერი (84), 3:1 პულიშიჩი (90+2)



ლაიპციგი-აუგსბურგი 0:0

ფრაიბურგი-ჰერტა 2:1
გოლები: 1:0 პეტერსენი (27), 1:1 იბიშევიჩი (76), 2:1 იბიშევიჩი (80-საკ. კარში)

მაინცი-გლადბახი 0:1
გოლი: 0:1 ელვედი (63)

ჰოფენჰაიმი-ნიურნბერგი 2:1
გოლები: 1:0 კრამარიჩი (25-პენ), 1:1 ბერენსი (61), 2:1 კრამარიჩი (78)

ჰანოვერი-ლევერკუზენი 2:3
გოლები: 0:1 ფოლანდი (13), 0:2 ფოლანდი (28), 1:2 ჟონათასი (51), 2:2 ვაიზერი (73-საკ. კარში), 2:3 ჰაფერცი (87)

ორშაბათი, 11 მარტი
ფორტუნა-აინტრახტი 23:30

1. ბაიერნი 25 18 3 4 62:27 57
2. დორტმუნდი 25 17 6 2 61:28 57
3. ლაიპციგი 25 13 7 5 43:20 46
4. გლადბახი 25 14 4 7 44:30 46
5. ლევერკუზენი 25 13 3 9 46:37 42
6. აინტრახტი 24 11 7 6 47:30 40
7. ვოლფსბურგი 25 11 6 8 39:37 39
8. ჰოფენჰაიმი 25 9 10 6 49:37 37
9. ვერდერი 25 9 9 7 43:37 36
10. ჰერტა 25 9 8 8 38:36 35
11. ფორტუნა 24 9 4 11 31:42 31
12. ფრაიბურგი 25 7 9 9 36:41 30
13. მაინცი 25 8 6 11 27:39 30
14. შალკე 25 6 5 14 27:43 23
15. აუგსბურგი 25 5 7 13 34:46 22
16. შტუტგარტი 25 5 4 16 25:55 19
17. ჰანოვერი 25 3 5 17 23:58 14
18. ნიურნბერგი 25 2 7 16 19:51 13

ბომბარდირები: 17 - რობერტ ლევანდოვსკი (ბაიერნი); 15 - ლუკა იოვიჩი (აინტრახტი); 14 - მარკო როისი (დორტმუნდი), პაკო ალკასერი (დორტმუნდი); 12 - სებასტიან ჰალერი (აინტრახტი), იუსუფ პოულსენი (ლაიპციგი), კრამარიჩი (ჰოფენჰაიმი)..

მომდევნო ტური
15 მარტი: გლადბახი-ფრაიბურგი
16 მარტი: შალკე-ლაიპციგი, შტუტგარტი-ჰოფენჰაიმი, აუგსბურგი-ჰანოვერი, ვოლფსბურგი-ფორტუნა, ჰერტა-დორტმუნდი
17 მარტი: ლევერკუზენი-ვერდერი, აინტრახტი-ნიურნბერგი, ბაიერნი-მაინცი

ყოველდღიური სპორტული გაზეთი "ლელო"
514
მკითხველის კომენტარები / 0 /
მსგავსი ამბები
რუბრიკის სხვა სიახლეები
;