ბუნტი ინტერში! იკარდი გუნდთან ერთად ევროპალიგის მატჩზე არ გაემგზავრა

"ინტერმა" მაურო იკარდი გუნდის კაპიტნობიდან რომ გაათავისუფლა, უკვე საქვეყნოდაა ცნობილი. თუმცა ყველაფერი ამით არ დასრულებულა - გაბრაზებულმა არგენტინელმა ფორვარდმა უარი თქვა ვენაში "რაპიდითან" ევროპალიგის მატჩში მონაწილეობაზე და არ გაემგზავრა გუნდთან ერთად. "ინტერის" მწვრთნელმა ლუჩანო სპალეტიმ მედიისთვის განმარტა, რომ მას იკარდი შემადგენლობიდან არ ამოუშლია და რომ გუნდთან ერთად არყოფნა უშუალოდ ფეხბურთელის გადაწყვეტილებაა:

"იკარდის კაპიტნობიდან გათავისუფლება რთული გადაწყვეტილება იყო, მაგრამ მე ვფიქრობ, "ინტერს" ეს ნაბიჯი სარგებელს მოუტანს. რაც შეეხება შემადგენლობაში მის არყოფნას, ჩვენ გვინდოდა, რომ ის გუნდთან ერთად ყოფილიყო, მაგრამ თავად თქვა უარი ვენაში გამგზავრებაზე. "რაპიდთან" თამაშის შემდეგ ჩვენ აუცილებლად ვიმსჯელებთ იკარდის გარშემო შექმნილ სიტუაციაზე. მე ნაკლებად მაინტერესებს, რა წერია ფეხბურთელის კონტრაქტში, ჩემთვის მთავარია ფეხბურთელთან ურთიერთობა", - უთხრა სპალეტიმ "სქაი სპორტ იტალიას".

785
მკითხველის კომენტარები / 0 /
მსგავსი ამბები
რუბრიკის სხვა სიახლეები
;