ბუფონი პარი სენ-ჟერმენიდან წავიდა

ლეგენდარული იტალიელი მეკარე ჯანლუიჯი ბუფონი "პარი სენ-ჟერმენში" აღარ დარჩება. ამის შესახებ დაწერა პარიზული კლუბის პრესსამსახურმა. 40 წლის ფეხბურთელს რამდენიმე დღეში ეწურება კონტრაქტი საფრანგეთის ჩემპიონთან.

"ჯენტლმენი მინდორზე და მის მიღმა. არაჩვეულებრივი მეგობარი გუნდში. ჩვენ მას ყოველივე საუკეთესოს ვუსურვებთ", - წერია განცხადებაში.

ბუფონი პსჟ-ში 2018 წლის ივლისიდან თამაშობდა. ფრანგულ კლუბში ის "იუვენტუსიდან" თავისუფალი აგენტის სტატუსით გადავიდა. პარიზელთა რიგებში 25 ოფიციალური მატჩი ჩაატარა და 25 გოლი გაუშვა, გახდა საფრანგეთის ჩემპიონი და ქვეყნის თასის მფლობელი.

ყოველდღიური სპორტული გაზეთი "ლელო"
1050
მკითხველის კომენტარები / 0 /
მსგავსი ამბები
რუბრიკის სხვა სიახლეები
;