გადაიხდის რეალი მბაპეში 280 მილიონ ევროს?

იმის თაობაზე, თუ რა თანხა ექნება ზინედინ ზიდანს ზაფხულში "რეალის" რეკონსტრუქციისთვის, სხვადასხვა ინფორმაცია ვრცელდება. მაგალითად, "ფრანს ფუტბოლი" წერს, რომ ზიდანი ტრანსფერებისთვის 350 მილიონ ევროს მიიღებს.

ასეა თუ ისე, "რეალში" დიდი ამბები მოხდება და ერთ-ერთი სატრანსფერო სამიზნე კილიან მბაპეა. "პარი სენ-ჟერმენი" ახალგაზრდა ვარსკვლავს 280 მილიონ ევროდ აფასებს. "სამეფო კლუბთან" დაახლოებით წყაროები აცხადებენ, რომ "რეალი" მბაპეში ამხელა ფულს არ გადაიხდის და ეს არც იქნება გასაკვირი.

რაც შეეხება პოლ პოგბას, ვინც ასევე მოიაზრება ზიდანის სიაში, "მანჩესტერ იუნაიტედი" მას 187 მილიონ ევროზე ნაკლებად ვერ შეელევა. "ტელეგრაფის" ცნობით, "რეალი" არც ამაზე იქნება თანახმა. როგორც ამბობენ, პოგბას აგენტმა მინო რაიოლამ უკვე გამართა მოლაპარაკებები "რეალთან" და უახლოეს დღეებში "იუნაიტედს" 112 მილიონს შესთავაზებენ.

სავარაუდოდ, ეს მიუღებელი იქნება მანჩესტერული გრანდისთვის, რომელმაც ორი წლის წინ პოგბაში 105 მილიონი ევრო გადაუხადა "იუვენტუსს". არ დაგვავიწყდეს ისიც, რომ "რეალი" "ჩელსიდან" ედენ აზარის ყიდვასაც აპირებს.

761
მკითხველის კომენტარები / 0 /
მსგავსი ამბები
რუბრიკის სხვა სიახლეები
;