გადაწყდა: გოგა ბითაძე NBA-ს დრაფტზე დადგება

გადაწყვეტილია, 19 წლის გოგა ბითაძე NBA-ს წლევანდელ დრაფტზე დადგება. ეს ინფორმაცია თავად კალათბურთელის მენეჯერმა მიშკო რაჟნატოვიჩმა "ტვიტერზე" დაადასტურა.

საკალათბურთო ექსპერტები ქართველ ცენტრს დიდ მომავალს უწინასწარმეტყველებენ და 1999-წლიანებში ევროპის ნომერ მესამე ტალანტად მიიჩნევენ "რეალის" ლუკა დონჩიჩისა და "ცედევიტას" ძანან მუსას შემდეგ. როგორც ჩანს, ეს სამეული უკვე მომდევნო სეზონიდან NBA-ში ითამაშებს.

გოგამ წლეულს ახალგაზრდული ABA ლიგა მოიგო და ფინალური ოთხეულის MVP-იც გახდა.

NBA-ს დრაფტი 21 ივნისს "ბარკლაი სენტერში", ბრუკლინში გაიმართება. ნბადრაფტ.ნეტ გოგას არჩევას მეორე წრეში ვარაუდობს, ხოლო დონჩიჩსა და მუსას სავარაუდოდ, პირველ წრეში აირჩევენ.

რადგან მენეჯერმა ბითაძის დრაფტზე გადაწყვიტა, დიდი ალბათობით, ქართველით რომელიმე ამერიკული კლუბი კონკრეტულად დაინტერესდა და წინასწარი შეთანხმებაც შედგა.

1515
მკითხველის კომენტარები / 0 /
მსგავსი ამბები
რუბრიკის სხვა სიახლეები
;