გაიზრდება თუ არა მსოფლიოს 2022 წლის ჩემპიონატზე მონაწილეთა რიცხვი 48-მდე?

ფეხბურთის საერთაშორისო ფედერაციის პრეზიდენტმა ჯანი ინფანტინომ განაცხადა, რომ მისი ორგანიზაცია ივნისამდე გადაწყვეტს - საჭიროა თუ არა მსოფლიოს 2022 წლის ჩემპიონატზე მონაწილეთა რიცხვის 48 გუნდამდე გაზრდა.

პლანეტის პირველობა პირველად გაიმართება არა ზაფხულში, არამედ 21 ნოემბრიდან 18 დეკემბრამდე ყატარის სტადიონებზე.

“რთული იქნება ყატარში 48-გუნდიანი მსოფლიოს ჩემპიონატის ორგანიზება, რადგან ეს არის პატარა ქვეყანა. შესაბამისად, შეიძლება იმაზე მსჯელობა, რომ მატჩები მეზობელ ქვეყნებშიც გაიმართოს, - განაცხადა ინფანტინომ. - ყატარი მზად არის განიხილოს სხვა ქვეყნების მიწვევის საკითხი. და თუ მოხერხდება 48-გუნდიანი ტურნირის ორგანიზება, ეს ძალიან კარგი იქნება, თუ არ გამოვა, არც ეს იქნება ტრაგედია. უნდა გადავწყვიტოთ ამა წლის ივნისამდე”.

აღვნიშნავთ, რომ ფიფამ მიიღო გადაწყვეტილება - მსოფლიოს 2026 წლის ჩემპიონატზე გაზარდოს მონაწილეთა რიცხვი 48-მდე.

ყოველდღიური სპორტული გაზეთი "ლელო"
768
მკითხველის კომენტარები / 0 /
მსგავსი ამბები
რუბრიკის სხვა სიახლეები
;