გაირკვა ევრობასკეტი 2021-ის მასპინძლობაზე საქართველოს კონკურენტების ვინაობა

გაირკვა ევრობასკეტი 2021-ის მასპინძლობაზე საქართველოს კონკურენტების ვინაობა. ესენი არიან გერმანია, ესტონეთი ჩეხეთი, უნგრეთი, იტალია და სლოვენია.

ფიბა-ს ოფიციალურ საიტზე ვკითხულობთ: 

"შვიდმა კანდიდატმა ოფიციალურად დაადასრტურა ევრობასკეტი 2021-ის მასპინძლობის სურვილი. ისევე როგორც წინა ერი ევროპის ჩემპიონატისას, შეჯიბრება ამჯერადაც ოთხ ქვეყანაზე გადანაწილდება. ოთხი ჯგუფი სხვადასხვა ქალაქში გაიმართება, ხოლო პლეი ოფის სტადიას ამ ოთხიდან ერთ-ერთი უმასპინძლებს.

შეგახსენებთ, რომ ევრობასკეტი 2015 ხორვატიაში, გერმანიაში, ლატვიასა და საფრანგეთში გაიმართა. ევრობასკეტი 2017 - ისრაელში, რუმინეთში, თურქეთსა და ფინეთში.

ევრო 2021-ის მასპინძლობის მსურველთა განაცხადების მიღება იანვრიდან დაიწყო, სურვილი 13-მა ქვეყანამ გამოთქვა, რომელთაგან 7-მა ოფიციალურად დაადასტურა სურვილი. 

კამილ ნოვაკი, ფიბა-ევროპის აღმასრულებელი დირექტორი:
“ეროვნული ფედერაციების მხრიდან ასეთი აქტივობა მოწმობს იმას, რომ ევრობასკეტის მასპინძლობის სურვილი უპრეცედენტოდ მაღალია. ჩვენ გვჯერა, რომ წარმოდგენილი კანდიდატებიდან ჩვენ შევარჩევთ 4 იდეალურ მასპინძელს, როგორც ეს გავაკეთეთ გასული 2 ევრობასკეტის შემთხვევაში”.

თუკი ფიბა-ევროპის ბორდი საქართველოს თანამასპინძლად შეარჩევს, თბილისში 2021 წლის შემოდგომაზე ევრობასკეტის 5 მონაწილე შეიკრიბება, რომლებსაც საქართველო დაემატება და ჩატარდება ფინალური ეტაპის ერთ-ერთი ჯგუფის თამაშები. ჯგუფის 6 მონაწილედან 4 საუკეთესო პლეი ოფში გავა. პლეი ოფის თამაშები 4 მასპინელი ქვეყნიდან ერთ-ერთში გაიმართება. 

ევროპასკეტის მასპინძელი 4 ქვეყნის ნაკრები საკვალიფიკაციო მატჩებს არ ითამაშებს და ფინალურ ეტაპზე პირდაპირ დაიშვება.

2432
მკითხველის კომენტარები / 0 /
მსგავსი ამბები
რუბრიკის სხვა სიახლეები
;