გაკვეთილები პომებისგან, თუ პირიქით? - 'ბორჯღალოსნების' წვრთნები ინგლისის ნაკრებთან

საქართველოს ნაკრები რაგბი ევროპის ჩემპიონატის მორიგ მატჩს, სტუმრად, 2 მარტს ბელგიის ნაკრების წინააღმდეგ გამართავს. იქამდე კი, „ბორჯღალოსნები“ ლონდონში გაემგზავრნენ, სადაც ინგლისის ეროვნულ ნაკრებთან ერთობლივ წვრთნებს გამართავენ.

აღსანიშნავია, რომ ჩვენი ნაკრები „პომებთან“ უკვე მეორედ ივარჯიშებენ ერთად. პირველად ეს შარშან, თებერვალში მოხდა და ინგლისელთა თავკაცმა ედი ჯონსმა მაშინვე გამოთქვა სურვილი საქართველოს ნაკრებთან კიდევ ერთხელ ერთობლივი ვარჯიშის გამართვის თაობაზე.

„ბორჯღალოსნები“ ინგლისში 30-კაციანი შემადგენლობით გაემგზავრნენ, რომელთაგან 16 მორკინალი და 14 უკანახაზელია. რაგბი ევროპაზე რუმინეთთან და ესპანეთთან მოგებული მატჩების შემდეგ, ინგლისში გაფართოებულ შემადგენლობას ზურაბ ჟვანია (ვოსფსი), შალვა სუთიაშვილი (ანგულემი), ოთარ გიორგაძე (ბრივი), მერაბ შარიქაძე (ორიაკი), სოსო მათიაშვილი (ლელო) და დავით კაჭარავა (ენისეი) დაემატნენ.

„გვექნება ორი სავარჯიშო დღე. პირველ დღეს მორკინალები და უკანახაზელები ცალ-ცალკე იმუშავებენ, ხოლო მეორე დღეს ვარჯიში უფრო გუნდური იქნება. ჩვენთან ვარჯიშში ინგლისელებს გარკვეული სისტემების დახვეწა სურთ. ჩვენ კი ჩვენი მიზნები გვაქვს. გარდა ამისა, ჩვენი ახალგაზრდა და ასევე გამოცდილი მორაგბეები საკუთარ შესაძლებლობებს მსოფლიოს ერთ-ერთი საუკეთესო გუნდის მორაგბეების წინააღმდეგ გამოცდიან

მნიშვნელოვანია, რომ ჩვენი უკანახაზელები ინგლისელებთან ერთად ივარჯიშებენ. ასევე მნიშვნელოვანია, რომ დერეფანში თამაშს მათ არაჩვეულებრივ დერეფანთან ვარჯიშში დავხვეწთ. ამ ერთობლივი ვარჯიშით ძალიან დიდ სარგებელს მივიღებთ. თუმცა, ყველაზე მნიშვნელოვანი მაინც ისაა, რომ მსოფლიოს ერთ-ერთ საუკეთესო გუნდთან შედარების შესაძლებლობა გვეძლევა. ამ ყველაფრის ანალიზით გავიგებთ, რამდენად ახლოს ვართ საუკეთესო გუნდებთან.

მსგავსი გამოცდილება გვეხმარება, რომ მეტად გავიზარდოთ და უკეთესები გავხდეთ, არა მარტო მოთამაშეები, არამედ როგორც მთელი გუნდი, როგორც ერთი ორგანიზმი“ - თქვა რაგბის კავშირის ოფიციალურ ვებგვერდთან საუბრისას საქართველოს ნკრების მწვრთნელმა მილტონ ჰეიგმა.

შეგახსენებთ, რომ ინგლისიდან „ბორჯღალოსნები“ ბელგიაში გაემგზავრებიან, სადაც 2 მარტს, აქაურ ნაკრებს თბილისის დროით 19 საათზე დაუპირისპირდებიან.

საქართველოს ნაკრები

პირველი ხაზი: ზურაბ ჟვანია (ვოსფსი), გურამ გოგიჩაშვილი (რასინგი), შალვა მამუკაშვილი (ენისეი), ვანო კარკაძე (ორიაკი), ლევან ჩილაჩავა (მონპელიე), გიორგი მელიქიძე (სტად ფრანსე), ბექა გიგაშვილი (გრენობლი)
მეორე ხაზი: გიორგი ნემსაძე (ოსფრიზი), დავით გუგაური (ბუქარესტი), ნოდარ ჭეიშვილი (კორნიშ პირატსი)
მესამე ხაზი: შალვა სუთიაშვილი (ანგულემი), ბექა გორგაძე (ბორდო), გიორგი ცუცუქირიძე (ორიაკი), ოთარ გიორგაძე (ბრივი), ბექა საღინაძე (ორიაკი), გიორგი თხილაიშვილი (ბათუმი)
№9: ვასილ ლობჟანიძე (ბრივი), გელა აფრასიძე (მონპელიე), გიორგი ბეგაძე (ლოკომოტივი)
№10: თედო აბჟანდაძე (აია), ლაშა მალაღურაძე (ვვა)
№12-13: დავით კაჭარავა (ენისეი), მერაბ შარიქაძე (ორიაკი), გიორგი კვესელაძე (არმაზი), ზურაბ ძნელაძე (ლოკომოტივი)
№11-14: ალექსანდრე თოდუა (ბათუმი), გიორგი აფციაური (ლოკომოტივი), მირიან მოდებაძე (აია)
№15: ლაშა ხმალაძე (ბათუმი), სოსო მათიაშვილი (ლელო)

III ტური

2 მარტი
ბელგია-საქართველო
გერმანია-რუსეთი

3 მარტი
ესპანეთი-რუმინეთი
სატურნირო მდგომარეობა

თ მ ფ წ ბ ქ(ს)
1. საქართველო 2 2 0 0 +23 8(0)
2. რუსეთი 2 1 0 1 +55 6(2)
3. რუმინეთი 2 1 0 1 +19 5(1)
4. ესპანეთი 1 1 0 1 -12 4(0)
5. ბელგია 2 1 0 1 -50 4(0)
6. გერმანია 2 0 0 2 -35 0(0)

ყოველდღიური სპორტული გაზეთი "ლელო"
1143
მკითხველის კომენტარები / 0 /
მსგავსი ამბები
რუბრიკის სხვა სიახლეები
;