განგაში და საგანგებო ზომები. კორონავირუსმა იტალიაში სტადიონები დააცარიელა...

იტალიაში კორონავირუსის აფეთქებაა! მოგეხსენებათ, გასულ უქმეებზე ამ მიზეზით იტალიის სერია A-სა და ქვედა ლიგებში 40-ზე მეტი შეხვედრა გადაიდო. ბოლო მონაცემებით, ვირუსით 272 ადამიანი დაინფიცირდა, მათგან 7 გარდაიცვალა.

ვირუსის გავრცელების საფრთხის გამო იტალიაში საგანგები ზომებია მიღებული.  ხუთშაბათს ევროპალიგის გათამაშების საპასუხო შეხვედრაში მილანის „ინტერი“ ბულგარულ „ლუდოგორეცს“ მასპინძლობს (პირველი შეხვედრა იტალიელებმა 2:0 მოიგეს), უეფამ კლუბებს უკვე გაუგზავნა შეტყობინება, რომ აღნიშნული მატჩი უმაყურებლოდ ჩატარდება.

ამას გარდა, უმაყურებლოდ ჩაივლის სერია A-ს მომდევნო ტურის რამდენიმე შეხვედრა და მათ შორის, ტურისა, და შესაძლოა, ჩემპიონატის ერთ-ერთი ცენტრალური მატჩი „იუვენტუსსა“ და „ინტერს“ შორის. ამ ფაქტთან დაკავშირებით კომენტარი „იუვეს“ პრეზიდენტმა ანდრეა ანიელიმაც გააკეთა და თქვა რომ მზად არის ნებისმიერი გადაწყვეტილებისთვის: „დღეს შექმნილი მდგომარეობიდან გამომდინარე, მოსახლეობის ჯანმრთელობაზე ზრუნვა ყველა ჩვენგანის უპირველესი მოვალეობაა. სპორტული ღონისძიებების მთლიანად შეწყვეტა შეუძლებელია, კალენდარი ისედაც გადატვირთულია, მით უმეტეს რომ სერია A გვიან დაიწყო, საშობაო არდადეგების დროსაც არ გვითამაშია. ასე რომ რასაც გადაწყვეტენ, დავთანხმდებით“.

„იუვენტუსი“-„ინტერის“ (1 მარტი) გარდა, სერია A-ს მომდევნო ტურში უმაყურებლოდ ჩაივლის კიდევ რამდენიმე მატჩი: 29 თებერვალს „უდინეზე“-ფიორენტინა, 1 მარტს „მილანი“-„ჯენოა“, სასუოლო-ბრეშა, პარმა-სპალ, 2 მარტს „სამპდორია“-„ვერონა“.

1921
მკითხველის კომენტარები / 0 /
მსგავსი ამბები
რუბრიკის სხვა სიახლეები
;