გაუფერულებული ფინალი და ქუთაისის ზედიზედ მესამე თასი

ქუთაისი-რუსთავი 118:104
37:21, 27:28, 28:25, 26:30

ქუთაისი: ლი (3ქ), რაითი (11ქ), ლომოური (8ქ), დვალიშვილი (15ქ,9მ,6პ), მათიაშვილი (23ქ,12ქ,6პ), სოსელია (5ქ), ბაბუნაშვილი (12ქ), ჭეიშვილი (11ქ), წივწივაძე, ბარბაქაძე (15ქ), ბექაური (15ქ,8მ,8პ)
მწვრთნელი: კოტე ტუღუში

რუსთავი: ხმელიძე (14ქ,6მ,6პ), ლორთქიფანიძე (31ქ), ცეკვავა (28ქ,6მ,6პ), წიქარიშვილი (12ქ,6მ), ჩაჩანიძე (6ქ,8პ), ბარამიძე (13ქ, 6მ)
მწვრთნელი: რამაზ გოგობერიშვილი

"ქუთაისი" ზედიზედ მესამედ გახდა ზურაბ საკანდელიძისა და მიხეილ ქორქიას სახელობის თასის მფლობელი, მაგრამ გუშინდელ მატჩზე განვითარებულმა მოვლენებმა ფინალი ცოტა არ იყოს გააუფერულა.

ქუთაისისა და რუსთავის ფინალური დაპირისპირევა დაგეგმილზე 45 წუთით გვიან დაიწყო. მიზეზი რუსთაველთა დაგვიანება იყო, გარკვეული მიზეზების გამო, რაზეც რუსთაველებმა საუბარი არ ისურვეს, ისინი თამაშზე გასვლას საერთოდაც არ აპირებდნენ...

საბოლოოდ, ფინალი შედგა, მაგრამ "რუსთავმა" ლეგიონერების გარეშე, მხოლოდ 6 კალათბურთელით ითამაშა და დაპირისპირებაც უფრო ამხანაგურ მატჩს ჰგავდა ვიდრე ფინალს.

თამაშის დაწყებამდე ქომაგებს რუსთაველთა მწვრთნელმა რამაზ გოგობერიშვილმა მიმართა, რომელმაც დარბაზში შეკრებილებს მოუბოდიშა, შესაძლოა დღეს ისეთი თამაში ვერ იხილოთ, როგორიც "რუსთავისგან" ელითო და ასეც მოხდა...

შესუსტებული შემადგენლობით მოასპარეზე "რუსთავს", რომელმაც მთელი შეხვედრა მხოლოდ 6 კალათბურთელით ჩაატარა, მასპინძლებმა ყველა კომპონენტში აჯობეს და უკვე პირველივე პერიოდში 16 ქულის სხვაობით დაწინაურდნენ 37:21 დიდ შესვენებაზე კოტე ტუღუშის გუნდი 15 ქულიანი უპირატესობით გავიდა 64:49.

მდგომარეობა მეორე ტაიმშიც არ შეცვლილა, ერთი ეგ იყო რომ, ლეგიონერები "ქუთაისის" შემადგენლობაშიც არ გამოჩენილან. გუნდებს წუთშესვენებებიც არ გამოუყენებიათ. საბოლოოდ, ფინალი ქუთაისელების იოლი გამარჯვებით 118:104 დასრულდა.

ფინალური მატჩის შესვენებისას ქუთაისის სპორტის სასახლეში საზეიმო ვითარებაში დიდი ქართველი კალათბურთელისა და მწვრთნელის ოთარ ქორქიას მონუმენტური სურათი გაიხსნა, სურათი ნოდარ ქორქიამ და ნიკოლოზ დერიუგინმა გახსნეს.

მატჩის შემდეგ გამარჯვებულ გუნდს გადაეცა ზურაბ საკანდელიძისა და მიხეილ ქორქიას სახელობის თასი. ტურნირის საუკეთესო მოთამაშისთვის განკუთვნილი პრიზი გიორგი ბარბაქაძეს გადაეცა. საუკეთესო უკანახაზელად კი დეჟუან რაითი გახდა.

1408
მკითხველის კომენტარები / 0 /
მსგავსი ამბები
რუბრიკის სხვა სიახლეები
;