გენო პეტრიაშვილისა და ლადო ხინჩეგაშვილის საჩუქარი პატარა თანადარბაზელებს

ცნობილმა გორელმა მოჭიდავეებმა ლადო ხინჩეგაშვილმა, გენო პეტრიაშვილმა და მათმა პირადმა მწვრთნელმა ნუგზარ სხირელმა პატარა გორელ თანადარბაზელებს საჩუქარად სპორტული სამოსი გადასცეს.

ლადო და გენო მოგეხსენებათ ნუგზარ სხირელის სახელობის სკოლაში ვარჯიშობენ. სპორტული სამოსი პატარა თანადარბაზელ მოჭიდავეებს მათ შარშანაც შეუძინეს და მაშინ 30 სპორტსმენი გაახარეს წინასაახალწლოდ. ტრადიცია ამჯერადაც გაგრძელდა და სახელოვანმა ფალავნებმა და მწვრთნელმა წლეულს უკვე 70 მოჭიდავეს გაუკეთეს საჩუქარი.

საჩუქრების გადაცემის ცერემონიას გორის მუნიციპალიტეტის სპორტული სკოლების გაერთიანების ხელმძღვანელობა (დირექტორი გიორგი პურიჭამიაშვილი) დაესწრო. "ჩვენი საამაყო სპორტსმენებისგან და მწვრთნელისგან გაკეთებული ეს მორიგი მისაბაძი ინიციატივაა.

სასიამოვნოა, რომ ჩემპიონებისგან, რომლებთანაც უბრალოდ მისალმებაც კი სასიხარულოა ბავშვებისათვის, პატარები საჩუქრებსაც იღებენ. ამ ადამიანებმა დღეს კიდევ ერთხელ გვაჩვენეს, რომ მრავალმხრივ მიაბაძი პიროვნებები არიან" - გვითხრა გიორგი პურიჭამიაშვილმა.

"ამ დარბაზში არა მხოლოდ სპორტსმენებს, პიროვნებებს ვზრდით. გვინდა, რომ ჩვენი შეგირდები არა მხოლოდ სპორტში, ადამიანობაში, ქვეყნის და საკუთარი ქალაქის სიყვარულში, მეგობრებთან ურთიერთობაში იყვნენ გამორჩეულები. მიხარია, რომ ასეთი აქციებით, ჩვენი ახალგახსნილი დარბაზი სულ უფრო იხვეწება და იზრდება.

მე, ჩემი ჩემპიონი შეგირდები მახარებენ, ამასთან აქ მომუშავე ჩემივე შერჩეულ ახალგაზრდა მწვრთნელებს ვენდობი და მომავალი თაობის იმედი მაქვს". – გვითხრა ბატონმა ნუგზარ სხირელმა, რომელმაც დასძინა, რომ ასეთი აქციები სამომავლოდაც გაგრძელდება.

6233
მკითხველის კომენტარები / 1 /
კახა
0
ღმერთმა გაგახაროთ და ააშენოს თქვენი ოჯახი ! 100 მაგად მოგადებთ მამაზეციერი , გაცემული სილეთისთვის
მსგავსი ამბები
რუბრიკის სხვა სიახლეები
;