გენო პეტრიაშვილი - მსოფლიოს ჩემპიონი ერთ წელიწადში ორჯერ

სახელოვანი გორელი ფალავანი გენო პეტრიაშვილი (125 კგ) რამდენიმე დღის წინ პოლონეთში 23 წლამდელთა შორის გამართული მსოფლიოს ჩემპიონატის გამარჯვებული გახდა. გენომ უკანასკნელ სამ თვეში ორჯერ შეძლო მსოფლიოს ჩემპიონის ტიტულის მოპოვება.

მოგეხსენებათ, სწორედ სამი თვის წინ მან დიდებშიც ტრიუმფალურად ჩაამთავრა მსოფლიოს ჩემპიონატი პარიზში და იქიდანაც ოქროს მედლით დაბრუნდა.

პოლონეთიდან, მსოფლიოს ჩემპიონის კიდევ ერთი ოქროს მედლით დაბრუნებული კი შეჯიბრების პერიპეტიების, აგრეთვე სხვა საინტერესო თემებზე გვესაუბრა.

"დიდებში მოქმედი მსოფლიოს ჩემპიონობის მიუხედავად ვცდილობდი გონებაში არ გამეკარებინა აზრი, რომ 23 წლამდელებში იგივეს მიღწევა ადვილი იქნებოდა. საბედნიეროდ, ყველაფერი ისე დასრულდა, როგორც ველოდი.

თუმცა ვერ შევასრულე ჩემი პირადი მწვრთნელის, ბატონი ნუგზარ სხირელის დავალება (იცინის). ის ჩემგან ჩემპიონატის ისე მოგებას ითხოვდა, რომ არცერთი ქულა არ უნდა დამეკარგა. ფინალის შემდეგ მეხუმრა კიდეც ეს ოქრო კარგია, მაგრამ ის ერთი ქულა (ნახევარფინალში) რატომ დაკარგეო.

ფინალში რუსეთის წარმომადგენელ დიბიროვს შევხვდი. იგი ევროპის ორგზის ჩემპიონია ახალგაზრდებს შორის. ამ ტიტულებში ჩანს მისი შესაძლებლობებიც.

ვფიქრობ პერსპექტიული მოჭიდავეა გრძნობს ასპარეზობისას შეტევის თუ თავდაცვის დროულ საჭიროებას. საჩემპიონო შეხვედრაში ჩემთანაც კარგად დაიწყო, თუმცა მე მაქსიმალურად ვიყავი განწყობილი იმისათვის, რომ ეს ჩემპიონატი ოქროს მედლით დამესრულებინა.

ინტერვიუს სრულ ვერსიას იხილავთ გაზეთ "ლელოს" 30 ნოემბრის ნომერში.

2820
მკითხველის კომენტარები / 2 /
patrioti
0
mteli sakartvelo amakobs shenit
სოსო
0
საკვირველია.ამ ბიჭს რომ ვუყურებ,არც ბეჭები აქვს ერთი საჟენი სიგანის,არც კუნთები აყრია ბატი ბუტივით,არა და სადაც მიდის,ყველგან იმარჯვებს,თანაც ულაპარაკოდ.ეტყობა მაინც სახელი ხსნის მის საიდუმლოს,გენო,გენიოსია ეს ბიჭი,ტვინშია მისი წარმატების საიდუმლო.
ეს ხუმრობით და სერიოზულად კი გილოცავ გენო კიდევ ერთ ლამაზ გამარჯვებას,სულ ასე მწვერვალებზე გევლოს.ტრავმები გაშოროს ღმერთმა და ჩემპიონის მედლები გიმრავლოს.შენც გაიხარე და ჩვენც გაგვახარე.
მსგავსი ამბები
რუბრიკის სხვა სიახლეები
;