გენტის დირექტორი: თამაში ჩაკვეტაძეზე უნდა ავაწყოთ

ბელგიის ჟუპილერ პრო ლიგის 28-ე ტურში გიორგი ჩაკვეტაძემ ისვე გაიბრწყინა. "გენტის" 18 წლის ქართველი შემტევი "ვაასლანდ-ბევერენთან" მოედანზე 62-ე წუთზე გამოჩნდა, ბოლო წუთზე რომან იარემჩუკს საგოლე პასი გაუკეთა და გუნდმა 2:1 მოიგო. თუმცა, გიორგი მხოლოდ საგოლე გადაცემით არ დაამახსოვრდათ - ის სასარგებლოდ თამაშობდა.

საინტერესოა, რომ გიორგის სულ შეცვლაზე ათამაშებენ. ის კი გადის მოედანზე და მცირე დროში ყურადღებას მაინც იქცევს. საერთოდ, გიორგი ბელგიურ გუნდში გათამამდა, შეტევების ორგანიზებს საკუთარ თავზე თამამად იღებს და ეს კარგადაც გამოსდის - თამაშს ამწვავებს, არაფრიდან მომენტს ქმნის და საერთოდ, მოედანზე სურათს ქმნის. თუკი ასე გააგრძელებს, ჩაკვეტაძე ნაკრებს უდავოდ წაადგება.

გიორგი ჩაკვეტაძის გოლი ტურში საუკეთესოდ დაასახელეს [VIDEO]

18 წლის ქართველ ფეხბურთელს ბელგიაში საკმაოდ კარგი პრესა აქვს და “ტოპ-ტალანტად” და “ვუნდერკინდად” მოიხენიებენ, ხოლო მისი და იარემჩუკის დუეტის გვარებიდან (ჩაკ-ვეტაძე და იარემ-ჩუკ-ი) ფანებმა სახალისო მოკლე ვარიანტი გამოიყვანეს და ჩაკი და ჩუკი შეარქვეს.

voetbalkrant.com: “გენტი” ვუნდერკინდი ჩაკვეტაძის იმედად - ის მართლაც ფანტასტიურია

“ახალგაზრდა ჩაკვეტაძე რამდენჯერაც შეცვლაზე გამოვიდა, იმდენჯერ თამაშის “გენტის” სასარგებლოდ შემოტრიალება მოახერხა. მეორე კვირაა, გუნდი დრამატულ შეხვედრებს ატარებს და მდგომარეობიდან ჩაკვეტაძის დახმარებით გამოდის.

გუნდის მცველი ბირგერ ვერსტრატი აღფრთოვანებას არ მალავს: “რა თქმა უნდა, გიორგი ჯერ პატარაა და ხარვეზებიც გააჩნია. ზოგჯერ ბურთს დროულად ვერ ელევა. მაგრამ ყველა ხედავს, მოედანზე ამ 18 წლის ბიჭს რისი გაკეთებაც შეუძლია. მე მისი დიდი გულშემატკივარი გავხდი - რეალურად ჩაკვეტაძე ფანტასტიური მოთამაშეა”.

სხვათა შორის, ვერსტრატს ქართველების წინააღმდეგ უთამაშია – 2013 წელს ის ბელგიის 19-წლამდელთა ნაკრების მცველი იყო, რომელსაც გია ცეცაძის ნაკრებმა ბორნემში გამართულ შეხვედრაში 2:0 სძლია და ევროპის ჩემპიონატის ფინალურ ეტაპზე გავიდა.

“გიორგი უნდა დაიხვეწოს და ჯერ კიდევ ბევრი მუშაობა სჭირდება. მაგალითად, ფიზიკურად მომატება კიდევ სჭირდება, ასევე დაცვასაც მეტად უნდა დაეხმაროს. მაგრამ ის ახალგაზრდაა და ყველაფერს სწრაფად სწავლობს. ამავე დროს, მოედანს მშვენივრად ხედავს, სტრესით არ თამაშობს, რადგან მისთვის თამაში სიამოვნებაა და ბურთს საოცრად ეპყრობა. მას გუნდისთვის ყოველთვის სარგებლობა მოაქვს" _ ეს “გენტის” ნახევარმცველის, ბრეხტ დეიაგერეს სიტყვებია.

გიორგი ჩაკვეტაძეზე ვრცელი მასალა შეგიძლიათ 28 თებერვლის ”ლელოში” იხილოთ.

2095
მკითხველის კომენტარები / 0 /
მსგავსი ამბები
რუბრიკის სხვა სიახლეები
;