გენტის მწვრთნელის კომენტარი ეჭვებს აჩენს: ჩაკვეტაძეს ვერ დავაძალებთ მოედანზე დაბრუნებასო...

მოახლოებული ევროშესარჩევის დაწყებამდე კვლავ აქტუალური რჩება გიორგი ჩაკვეტაძის ჯანმრთელობის მდგომარეობა. "გენტის" საიტმა "ოსტენდესთან" 10 მარტის დაპირისპირების წინ ინტერვიუ ჩაწერა გუნდის მწვრთნელ იეს ტორუპთან, რომელმაც ქართველ "ბრილიანტზეც" (შედარება ჩვენი არ გეგონოთ, სწორედ ასე წერს საიტი) ილაპარაკა: "გასულ კვირას ჩაკვეტაძემ ინდივიდუალურად ივარჯიშა ბურთით. არის გაუმჯობესების ტენდენციები, მაგრამ გიორგისაც კარგად ესმის, რომ ჯერ ადრეა მოედანზე დაბრუნება".

ჟურნალისტის კითხვაზე, ხომ არ ჯობია, ჩაკვეტაძე პლეი ოფებისთვის (ბელგიაში რეგულარული სეზონის დასრულებამდე 2 ტური დარჩა და "გენტი" საუკეთესო ექვსეულში მოხვედრის შანსს ინარჩუნებს) შემოინახოთო, ტორუპი პასუხობს: "რა თქმა უნდა, ამაზეც ვფიქრობ, მაგრამ თუ ჩაკვეტაძე დაგვჭირდება და თან ჯანმრთელიც იქნება, რა თქმა უნდა, მოედანზე გავა, რადგან ეს არის ფეხბურთელი, რომელსაც მარტოს შეუძლია თამაშის შეცვლა. თუმცა სისულელეა იმაზე ფიქრი, რომ ჩვენ მას მოედანზე დაბრუნება დავაძალოთ".

მწვრთნელის კომენტარიდან ჩანს, რომ ჩაკვეტაძე, დიდი ალბათობით, ვერ იქნება მზად შესარჩევი ციკლის სტარტისთვის. ვეჭვობდით და ტორუპის კომენტარმა (ჟურნალისტის კითხვასთან ერთად) გააღრმავა ეჭვი - შეგნებულად ხომ არ აყოვნებს "გენტი" ჩაკვეტაძის დაბრუნებას, რათა თავიდან ააცილოს მას სანაკრებო მატჩები?

ერთი მხრივ, გასაგებია, რომ კლუბს სჭირდება ჯანმრთელი ჩაკვეტაძე მიმდინარე სატურნირო და სამომავლო სატრანსფერო მიზნებისთვის. ამიტომ, უმჯობესი ხომ არ იქნება, ჩაკვეტაძე ჩამოვიდეს შეკრებაზე და აქაც შემოწმდეს მისი ტრავმის სირთულე. რა თქმა უნდა, ეს მხოლოდ ეჭვია, მაგრამ... ეჭვი იმისაა, რომ შეამოწმო...

ყოველდღიური სპორტული გაზეთი "ლელო"
4187
მკითხველის კომენტარები / 2 /
წიე
0
დაანებეთ ამ ბავშვს თავი, თავის ასაკში ნაკრებს მარტომ მოაგებინა ტურნირი, რომ არა მისი გადამწყვეტი მოქმედებები იქნებოდა ისევ ღირსეული წარუმატებლობები ხო და მილიონებს ვინც უხდის ის არ აძალებს თამაშს და ნაკრებისთვის ჩამოათრიეთ რამეფრად და მოამტვრიეთ ფეხები რომ ყენიასა და ჯანოსავით ქარს გაატანოს თავისი მომავალი. თუ გუნდი ინახავს მაგასაც ააქვს გამართლება არავინ იხდის მილიონებს ნაკრებისთვის დასამტვრევ ფეხბურტელში და საერტოდ ამ ასაკისთვის ამდენი ვალდებულებებით დატვირთვა მაგ ბავშვის მომავლისადმი უპასუხისმგებლო დამოკიდებულებაა.
Kkk
0
ეგ თავად გიომ არ უნდა დაუშვას, თუ შეუძლია თამაში უნდა თქვას. თან თუ გაყიდვა უნდათ უნდა ათამაშონ რათა თავი გამოიჩინოს და ძვირად გაყიდონ, თორემ ძველი წარმატებული თამაშები მალე ყველას მიავიწყდება. მე მგონი უფრო არ უნდათ გაყიდვა ბელგიელებს მინიყმუმ ერთი სეზონი მაინც და მიტო არ ათამაშებენ, რომ მსურველთა აქტივობები შემცირონ.
მსგავსი ამბები
რუბრიკის სხვა სიახლეები
;