გვარდიოლამ კაპიტულაცია გამოაცხადა: ლივერპულს ვეღარ დავეწევით [VIDEO]

"მანჩესტერ სიტის" მწვრთნელმა პეპ გვარდიოლამ "ვულვზთან" დრამატულ საგარეო მატჩში დამარცხების შემდეგ, ფაქტობრივად, კაპიტულაცია გამოაცხადა. "ქალაქელები" უკვე 14 ქულით ჩამორჩებიან წითლებს, რაც კატალონიელი სპეციალისტისთვის უკვე განაჩენია - ტიტულის შენარჩუნება ვეღარ მოხერხდება:

"ვიყოთ რეალისტები და დროა, აღარ ვიფიქროთ "ლივერპულზე", ახლა ჩვენი ამოცანაა, "ლესტერს" გადავუსწროთ. "მანჩესტერ სიტისთვის" საჩემპიონო რბოლა დასრულებულია. თან არ დაგავიწყდეთ, მომდევნო თამაშისთვის მოსამზადებლად სულ 40 საათი გვაქვს", - უთხრა გვარდიოლამ BBC-ის და იქვე დასძინა, რომ ახლა მისი გუნდის მთავარი ამოცანაა, რაც შეიძლება წარმატებით იასპარეზოს ჩემპიონთა ლიგაში, სადაც 1/8 ფინალში "რეალთან" უწევს დაპირისპირება.

გარდა ჩემპიონთა ლიგისა, "მანჩესტერ სიტი" რჩება ინგლისის საფეხბურთო ასოციაციისა და ლიგის თასის გათამაშებებში, შესაბამისად, გვარდიოლას მთლად უტიტულოდ დარჩენა არ ემუქრება.

შეგახსენებთ, რომ "სიტი" ორბურთიანი სხვაობით (ორივე გოლი რაჰიმ სტერლინგმა გაიტანა) იგებდა ვულვერჰემპტონში, მაგრამ თავიდანვე 10 ფეხბურთელით დარჩა მეკარე ედერსონის გაძევების გამო, რის შემდეგაც 3 ბურთი მიიღო და 2:3 დამარცხდა.

683
მკითხველის კომენტარები / 0 /
მსგავსი ამბები
რუბრიკის სხვა სიახლეები
;