გვარდიოლაც გააძევეს და სიტიც...

"მანჩესტერ სიტის" ლივერპულში 0:3 ჰქონდა წაგებული და ერთი შეხედვით ზღაპრად მოჩანდა მისი ჩემპიონთა ლიგის ნახევარფინალში გასვლა, თუმცა მანჩესტერული მატჩის მეორე წუთზე გაბრიელ ჟესუსმა ქალაქელები 1:0 დააწინაურა და 1/2 ფინალი რეალობად იქცა.

პირველ ტაიმში "სიტი" მშვენივრად გამოიყურებოდა, საგოლე მომენტებიც უხვად ჰქონდა, თუმცა მეორე ტაიმის დასაწყისში ლივერპულელთა იშვიათი შეტევა გაეპარა და სალაჰმა 56-ე წუთზე თამაში დაამთავრა - 1:1.

დარჩენილ დროში მასპინძლები ოთხი გოლის გამტანები აღარ იყვნენ. საკუთარ კარში კი ერთი მიიღეს და 1:2 დამარცხდნენ.

პირველი ტაიმის შემდეგ "სიტის" მწვრთნელი ხოსეპ გვარდიოლა მატჩს ტრიბუნებიდან ადევნებდა თვალს. იგი არბირტმა სიტყვიერი შეურაცხყოფისთვის გააძევა.

1113
მკითხველის კომენტარები / 0 /
მსგავსი ამბები
რუბრიკის სხვა სიახლეები
;