გვარდიოლა: ლორენტემ ხელით გაიტანა! პოჩეტინომ შეგირდები გმირებად შერაცხა

მოდით, შევთანხმდეთ: "ეტიჰადზე" სრულიად განსაკუთრებული შეხვედრა გაიმართა. "ტოტენჰემმა" რაღაც სასწაულით გააღწია ჩემპიონთა ლიგის ნახევარფინალში. საინტერესოა, რა კომენტარები გააკეთეს შეხვედრის მონაწილეებმა მისი დასრულების შემდეგ...

პეპ გვარდიოლა: "ჩვენ ვამაყობთ ჩვენი გუნდით! უნდა შევეგუოთ იმ შედეგს, რაც დადგა. ახლა ვეღარაფერს შევცვლით. თუმცა ესეც უნდა ვთქვა - ლორენტეს გოლი, ჩემი აზრით, არ იყო ჩასათვლელი, მან ხელით გაიტანა. ჩვენი მეხუთე გოლი? აქ შეიძლება კამათი, მაგრამ მსაჯმა ასეთი გადაწყვეტილება მიიღო და ეს არის რეალობა".

"სწორედ ასეთი მატჩების გამო გვიყვარს ფეხბურთი! ჩემი ფეხბურთელები გმირები არიან. ფეხბურთი ამიტომაც არის სპორტის ნომერ პირველი სახეობა, რომ ასეთი რამეები ხდება. მინდა, მეტოქეს მივულოცო. მათ ფანტასტიკურად ითამაშეს, თუმცა ცდა არც ჩვენ დაგვიკლია და დამსახურებულადაც მივაღწიეთ მიზანს", - თქვა ნამატჩევს "ტოტენჰემის" დამრიგებელმა მაურისიო პოჩეტინომ.

1586
მკითხველის კომენტარები / 0 /
მსგავსი ამბები
რუბრიკის სხვა სიახლეები
;