გვარდიოლა ძალიან შეწუხებულია კატალონიელების დაპატიმრების გამო

"მანჩესტერ სიტის" მწვრთნელმა პეპე გვარდიოლამ თქვა, რომ ძალიან შეწუხებულია კატალონიის დამოუკიდებელი რესპუბლიკის გამოცხადების შემდეგ, ესპანეთის მთავრობის მიერ რეგიონის რამდენიმე ხელმძღვანელის დაპატიმრების გამო. მისი სიტყვებით, ორივე მხარის წარმომადგენლები უნდა მიუსხდნენ მოლაპარაკების მაგიდას.

"სასურველია, გამოუშვან ის კატალონიელი პოლიტიკოსები, რომლებიც ესპანეთის მთავრობამ დააპატიმრა, - ამბობს გვარდიოლა სააგენტო "როიტერისთვის" მიცემულ ინტერვიუში, - ვწუხვარ ამის გამო, რადგან ასეთი რამ ნებისმიერ ჩვენგანს შეიძლება შეემთხვას. მათ მხოლოდ საკუთარი აზრი გამოხატეს.

მათ, უბრალოდ, შეასრულეს წინასაარჩევნო დაპირება, რომელიც კატალონიელთა აბსოლუტური უმრავლესობის ნებას გამოხატავს. მაშინებს ის, რომ დემოკრატიის განვითარების მხრივ, ესპანეთი უკან იხევს.

ქვეყნის ხელისუფლებისა და კატალონიის წარმომადგენლები უნდა დასხდნენ მოლაპარაკების მაგიდასთან. აუცილებელია რეფერენდუმის პირობების შეთანხმება, რომელიც ორივე მხარეს დააკმაყოფილებს. წინააღმდეგ შემთხვევაში, რთული იქნება ამ სიტუაციის გადაწყვეტა".

ყოველდღიური სპორტული გაზეთი "ლელო"
842
მკითხველის კომენტარები / 0 /
მსგავსი ამბები
რუბრიკის სხვა სიახლეები
;