გია გრიგალავამ არსენალთან ახალი კონტრაქტი გააფორმა

გია გრიგალავამ ტულის "არსენალთან" კონტრაქტი გაახანგრძლივა - 29 წლის ქართველმა მცველმა "მეთოფეებს" კარიერა კიდევ ორი წლით დაუკავშირა. გრიგალავა რუსეთშია გაზრდილი და რამდენიმე იქაურ კლუბში უთამაშია - "როსტოვში", "მოსკვაში", როსტოვის სკა-ში, ნიჟნი ნოვგოროდის "ვოლგაში", სამარის "კრილია სოვეტოვში", მახაჩყალის "ანჟიში", ასევე, კვიპროსულ "პაფოსსა" და ახნას "ეთნიკოსში".

გრიგალავა ტულის "არსენალში" 2017 წლის ზაფხულში ჩაირიცხა და მის ერთ-ერთ საკვანძო მოთამაშედ გადაიქცა. გერმანული სამანეჯერო სააგენტო "ტრანსფერმარკტი" მის სავარაუდო სატრანსფერო ფასად 1 მილიონ ევროს ასახელებს.

საინტერესოა, რომ გრიგალავა ყველაზე  ძვირად ღირებული ქართული ტრანსფერების სიაში მოხვდა - 2013 წელს, როცა ის "კრილია სოვეტოვში" თამაშობდა, მახაჩყალის "ანჟიმ" მისი ტრანსფერი 2 მილიონ ევროდ გამოისყიდა.

ბოლო პერიოდში, რუსეთის პრემიერლიგაში აღარ არის ფინანსურად ისეთი კარგი მდგომარეობა, როგორიც ამ 5-10 წლის წინ იყო. თავად რუსული მედიაც აღნიშნავს, რომ იქაურ მთავარ ლიგაში ბოლო წლებში ლეგიონერების რიცხვი საგრძნობლად შემცირდა. თუკი 2008 წელს მათი რაოდენობა 210-ს აღწევდა, ახლა მხოლოდ 149 გახლავთ, რაც 21-ე საუკუნეში ყველაზე დაბალი მაჩვენებელია.

614
მკითხველის კომენტარები / 0 /
მსგავსი ამბები
რუბრიკის სხვა სიახლეები
;