გია მანჯგალაძე განჯის ქიაფაზიში ითამაშებს

  განჯის "ქიაფაზმა" ოფიციალურად დაადასტურა, რომ გია მანჯგალაძე ამ გუნდის წევრი გახდა

25 წლის საყრდენმა ნახევარმცველმა აზერბაიჯანის პრემიერლიგის კლუბთან გააფორმა კონტრაქტი, რომლის თანახმადაც მან "ქიაფაზის" ღირსება 2018 წლის ბოლომდე უნდა დაიცვას.

თუმცა ქართულ მედიაში ინფორმაცია არასწორად გავრცელდა - თითქოს, მანჯგალაძემ ნახევარწლიან ხელშეკრულებას მოაწერა ხელი.

სინამდვილეში, ამ ვადით "ქიაფაზთან" კონტრაქტი თბილისის "დინამოს" ყოფილმა მეკარემ სერგეი ლიტოვჩენკო გააფორმა, ხოლო მანჯგალაძემ და კიდევ ერთმა ახალწვეულმა, ტახინ ჯახანგიროვმა, თითოწლიან კონტრაქტებს მოაწერეს ხელი.

აზერბაიჯანის პრემიერლიგაში "ქიაფაზს" საქმე ცუდად აქვს - პირველი წრის შემდეგ განჯელებმა მხოლოდ 7 ქულა დააგროვეს და ბოლო ადგილზე არიან.

მანჯგალაძე გულშემატკივარმა ლუგანსკის "ზორიადან" გაიცნო, საიდანაც საქართველოში 2015 წლის ზაფხულში დაბრუნდა და საჩხერის "ჩიხურაში" ჩაირიცხა, შემდეგ კი ბოლნისის "სიონსა" და "სამტრედიაში" ითამაშა.

ყოველდღიური სპორტული გაზეთი "ლელო"
1029
მკითხველის კომენტარები / 0 /
მსგავსი ამბები
რუბრიკის სხვა სიახლეები
;