გია ცეცაძე სლოვენიასთან 3:0-ის შემდეგ: კმაყოფილი ვარ, მაგრამ...

საქართველოს ახალგაზრდულმა ნაკრებმა გორში, თენგიზ ბურჯანაძეზე სლოვენიას 3:0 სძლია. გიორგი არაბიძემ დუბლი შეასრულა, პირველი გოლი კი საკუთარ კარში გაიტანეს სლოვენიელებმა.

ექსკლუზიურად "ლელოსთვის" მატჩი საქართველოს ახალგაზრდული ნაკრების მთავარმა მწვრთნელმა გია ცეცაძემ შეაფასა:

"რასაკვირველია სასიხარულოა ახალი სეზონის დაწყება მოგებით, თან 3:0 და თანაც სლოვენიასთან, რომელიც ხელწამოსაკრავი გუნდი სულაც არაა. კმაყოფილი ვარ იმით, რომ მოვახერხეთ მშრალად გამარჯვება, თუმცა ხარვეზი ბევრი იყო. სწორედ ასეთი ხარვეზების აღმოფხვრას ემსახეურება კიდეც ეს ამხანაგური მატჩები.

სლოვენიამ თითქმის მთელი შესარჩევი ეტაპი მეორე ნომრად იასპარეზა და დღესაც ჩვენ ველოდით რომ ასე გაირჯებოდა. ჩვენს გუნდს ხარვეზები გვქონდა პირველ ყოვლისა შეტევაში, კერძოდ დამამთავრებელ ფაზაში. პირველ ტაიმში იყო ეპიზოდები, სადაც გაცილებით უკეთესად უნდა გვემოქმედა შეტევებისას. მჯერა, რომ დროთა განმავლობაში ამ თვალსაზრისით აუცილებლად დალაგდება ყველაფერი.

მართალია არც დღევანდელი პაექრობა ყოფილა იოლი, მაგრამ ვფიქრობ, რომ ისრაელთანაც უფრო რთული მატჩი გველის. ისრაელი უფრო შემტევი გუნდია და მათთან თამაში უფრო სანახაობრივი იქნება"

1372
მკითხველის კომენტარები / 0 /
მსგავსი ამბები
რუბრიკის სხვა სიახლეები
;