გიგა ჯანელიძე "ნაპოლიში" ითამაშებს

24 წლის ქართველი ფორვარდი გიგა ჯანელიძე კარიერას "ნაპოლიში" განაგრძობს. მან სეზონი იტალიის სერია A-ს "ტრიესტეში" დაიწყო, თუმცა რადგან სათამაშო დრო არასაკმარისად ჰქონდა, კლუბის ხელმძღვანელობას სხვა გუნდში გადასვლის ნებართვა სთხვა.

ყველაზე მეტი ინტერესი სერია A2-ის "ნაპოლიმ" გამოხატა და გიგამაც ნეაპოლში გადაბარგება გადაწყვიტა. შეგახსენებთ, რომ ამ გუნდში რამდენიმე წლის წინ კიდევ ერთი ქართველი ნიკა მეტრეველი თამაშობდა.
რაც შეეხება ჯანელიძეს, მას კარიერის უმეტესი ნაწილი იტალიაში აქვს გატარებული: "რიმინი კრაბსი", "ურანია მილანო", "აურორა ჟესი", "როსეტო", "პიაჩენცა". "ტრიესტესთან" ერთად გიგამ 2018 წელს იტალიის A-ს საგზური მოიპოვა.

"ნაპოლის" 23 ტურის შემდეგ 12 მოგება აქვს და სერია A2-ის დასავლეთის კონფერენციაში მეშვიდე ადგილზეა. პლეი ოფში 8 გუნდი გადის.

1281
მკითხველის კომენტარები / 0 /
მსგავსი ამბები
რუბრიკის სხვა სიახლეები
;