გიორგაძისა და მირცხულავას წყვილი ლელო 

საფრანგეთის სარაგბო ჩემპიონატის ელიტური, პირველი დივიზიონის რეგულარული გათამაშების დასრულებამდე ერთი ტური დარჩა.

ამ დროისთვის პლეი ოფის მხოლოდ სამი მონაწილის ვინაობაა საბოლოოდ დადგენილი. ესენია: „ტულუზი“, „ლიონი“ და ქართველების გუნდი „კლერმონი“. დარჩენილი სამი ადგილისთვის ოთხი გუნდი იბრძვის და აქედან ორი „ქართულია“ - პარიზის „რასინგი“ და „მონპელიე“. 

ვასილ კაკოვინისა და გურამ გოგიჩაშვილის „რასინგმა“ ბოლოსწინა ტურში სტუმრად ითამაშა აუტსაიდერ „პერპინიანთან“ და დიდი ანგარიშით 52:14 დაამარცხა. კაკოვინი თამაშში 48-ე წუთიდან ჩაერთო, გოგიჩაშვილი განაცხადში არ იყო. 

მიხეილ ნარიაშვილის, კონსტანტინე მიქაუტაძის, ლევან ჩილაჩავასა და გელა აფრასიძის „მონპელიემ“ შინ დაამარცხა გიორგი მელიქიძის „სტად ფრანსე“ 45:25 და პლეი ოფში მოხვედრის პრაქტიკული შანსი შეინარჩუნა. 

ქართველი მორაგბეებიდან მხოლოდ ჩილაჩავამ ითამაშა, რომელიც 54-ე წუთზე შეცვალეს. მონპელიელები ბოლო ტურში „კლერმონს“ სტუმრობენ და აუცილებლად გამარჯვება სჭირდებათ, თანაც საპრემიო ქულით, ვინაიდან უშუალო კონკურენტი „ლა როშელი“ ამ დროს შინ მიიღებს უმოტივაციოდ დარჩენილ „ბორდოს“ და დიდი შანსია სწორედ საპრემიო ქულით დაამარცხოს. 

ბექა გიგიაშვილისა და დავით ქუბრიაშვილის „გრენობლმა“ სტუმრად წააგო „პოსთან“ - 0:22. შედეგად, „ალპელები“ ბოლოსწინა ადგილზე საბოლოოდ დამკვიდრდნენ და დივიზიონში დასარჩენად გადათამაშებაში ასპარეზობა ერთ-ერთ მეორედივიზიონელთან მოუწევთ. ქუბრიაშვილი, რომელიც 42-ე წუთზე შეცვალეს, არბიტრმა 24-ე წუთზე სინბინში გაუშვა. გიგაშვილს არ უთამაშია. 

I დივიზიონი 
XXV ტური 

აჟენი-კასტრი 10:17, ლიონი-ლა როშელი 29:19, პო-გრენობლი 22:0, პერპინიანი-რასინგი 14:52, მონპელიე-სტად ფრანსე 42:25, ბორდო-ტულუზი 36:43, ტულონი-კლერმონი 32:11 
სატურნირო მდგომარეობა 
1. ტულუზი - 93 ქულა, 2. კლერმონი - 82, 3. ლიონი - 74, 4. რასინგი - 69, 5. კასტრი - 69, 6. მონპელიე - 66, 7. ლა როშელი - 66. 8. სტად ფრანსე - 60, 9. ბორდო - 58, 10. ტულონი - 53, 11. პო - 43, 12. აჟენი - 38, 13. გრენობლი - 28, 14. პერპინიანი - 12

მეორე დივიზიონში პლეი ოფის ნახევარფინალური მატჩები გაიმართა. ოთარ გიორგაძის, ვასილ ლობჟანიძის, კარლენ ასიეშვილისა და სოსო ბეკოშვილის „ბრივმა“ ნიკა ნეფარიძის „ვანს“ უმასპინძლა და 40:20 დაამარცხა. ამ მატჩში შესანიშნავად ითამაშა ოთარ გიორგაძემ, რომელმაც 46-ე წუთზე ლელო გაიტანა. ის 54-ე წუთზე შეცვალეს. ოთხ წუთში მოედანზე ასიეშვილი გამოჩნდა, ლობჟანიძე კი თამაშში 62-ე წუთიდან ჩაერთო. შეგახსენებთ, რომ „ბრივს“ მომავალ სეზონში ვანო კარკაძე და თედო აბჟანდაძე შეუერთდება.

ბრიველები პირველ დივიზიონში გადასასვლელად ფინალში ბასკურ „ბაიონს“ დაუპირისპირდებიან ნეიტრალურ მოედანზე პოში. ბასკებმა, თავის მხრივ, ნახევარფინალში სტუმრად შეძლეს ირაკლი მირცხულავას დამარცხება 38:34. მირცხულავამ, რომელიც 67-ე წუთზე შეცვალეს, 37-ე წუთზე ლელო გაიტანა. 
აღსანიშნავია, რომ „ბრივსა“ და „ბაიონს“ შორის გამარჯვებული პირველი დივიზიონის საგზურს ავტომატურად მოიპოვებს. დამარცხებულს კი პირველ დივიზიონში ბოლოსწინა ადგილზე გასულ ბექა გიგაშვილისა და დავით ქუბრიაშვილის „გრენობლთან“ მოუწევს გადასასვლელი მატჩის გამართვა. 

II დივიზიონი
ნახევარფინალი

ბრივი-ვანი 40:20 
ოიონაქსი-ბაიონი 34:38 
ფინალი
ბრივი-ბაიონი 

ყოველდღიური სპორტული გაზეთი "ლელო"
535
მკითხველის კომენტარები / 0 /
მსგავსი ამბები
რუბრიკის სხვა სიახლეები
;