გიორგი გაბედავა საქართველოს ნაკრებში გამოიძახეს

ვლადიმირ ვაისმა გიორგი გაბედავა საქართველოს ნაკრებში გამოიძახა. ეს ინფორმაცია "ზაგლემბიეს" (სოსნოვეცი) ფეისბუქ-გვერდზე გავრცელდა. ვაისის ჩანაფიქრით, გაბედავა გუნდს შეტევის ხაზში არსებული პრობლემების დაძლევაში უნდა დაეხმაროს. მოგეხსენებათ, ლევან მჭედლიძე კვლავ ტრავმირებულია, გიორგი ქვილითაიას ტრავმის შემდეგ ჯერ არ მიუღწევია სასურველი ფორმისთვის, სხვებთან შედარებით, ფორმაშია ნიკა კაჭარავა, რომელმაც ორი კვირის წინ გოლი გაიტანა...

რაც შეეხება გაბედავას, ის "ზაგლემბიეში" ამ ზამთარს გადავიდა. უცნაური ის არის, რომ ამ მომენტისთვის "ჩიხურას" ექსფორვარდიც ტრავმირებულია. ამის გამო მას უკვე ორი მატჩი გაუცდა. დღესაც, "კრაკოვიასთან" მატჩის წინ, გაბედავა ტრავმირებულთა შორისაა მოხსენიებული. შეგახსენებთ, რომ ის პოლონეთში სადებიუტო მატჩშივე გააძევეს ორი ყვითელი ბარათის გამო...

ამ ვითარებაში, კიდევ უფრო უცნაურად გვეჩვენება ის, რომ გაბედავას არ იძახებდნენ ნაკრებში მაშინ, როცა გოლები გაჰქონდა, თუნდაც საქართველოს ჩემპიონატში. ამაზე მაშინ "ლელოც" წერდა და ნაკრებს მაშინაც ანალოგიური პრობლემები გვქონდა თავდასხმაში. და აი, გადავიდა პოლონეთში და მალევე მოხვდა ვაისის სიაში...

688
მკითხველის კომენტარები / 0 /
მსგავსი ამბები
რუბრიკის სხვა სიახლეები
;