გიორგი დევდარიანი: ცუდად ვითამაშეთ

ეროვნული ლიგის XXIX ტურში "დინამო არენაზე" გამართულ თბილისურ დერბიში ჩემპიონატის ლიდერმა "ლოკომოტივი" 3:1 დაამარცხა და პოზიციები განიმტკიცა. "ლოკომოტივი" კი 48 ქულით ისევ მე-4 ადგილზეა, ლიდერთა სამეულსაც ჩამორჩა და ფოთის "კოლხეთთან" მოგების შემდეგ, "საბურთალოს" ჩამორჩენის ორ ქულამდე შემცირების საშუალება მისცა.

გიორგი დევდარიანი თავისი გუნდის თამაშით უკმაყოფილო დარჩა:

"ვერ ვიტყვი, რომ რომელიმე გუნდმა კარგად ითამაშა. უბრალოდ, "დინამო" ჩვენზე ოდნავ უკეთ გამოიყურებოდა და მომენტები გამოიყენა. ჩვენ კი ეს ვერ მოვახერხეთ. წლეულს "დინამოს" ოთხჯერ შევხვდით და ყველაზე ცუდი თამაში ახლა ჩავატარეთ", - ამბობს დევდარიანი.

მისი თქმით, მარცხის ერთ-ერთი მიზეზი ტრავმირებულთა სიმრავლეც იყო:

"დაცვაში შეცდომები დავუშვით და მთლიანობაში, დღეს ჩემი გუნდით ძალიან უკმაყოფილო დავრჩი. შეტევაში ძალიან მოვიკოჭლებდით. ალბათ, იმანაც იმოქმედა, რომ სათადარიგოებში შემტევები და მოთამაშეები არ გვყავდა - ტრავმირებულები არიან კომახიძე, კიკაბიძე, გავაშელიშვილი და შეტევის გამწვავების საშუალება არ გვქონდა.

მამია გავაშელიშვილის მდგომარეობაზე კი რა გითხრათ... ის ისევ დაშავებულია და ბედნიერი ვიქნები, რომ ვიცოდე, როდის დაუბრუნდება მოედანს".

ყოველდღიური სპორტული გაზეთი "ლელო"

2670
მკითხველის კომენტარები / 0 /
მსგავსი ამბები
რუბრიკის სხვა სიახლეები