გიორგი დემეტრაძე: ...წავედი რუსეთში და არც ვინანე, რადგან გაზაევმა ჩემგან ფეხბურთელი გამოძერწა!

რუსულ მედიაში დიდი ამბავია ატეხილი. მაღალი ალბათობით, მალე რუსულ პრემიერლიგაში სარეკორდო ტრანსფერი განხორციელდება - მოსკოვის  ცსკა-სა და ხორვატიის ნაკრების ნახევარმცველი ნიკოლა ვლაშიჩი 45 მილიონ ევროდ გადავა სანკტ-პეტერბურგის "ზენიტში". ეს ტრანსფერი სარეკორდო იქნება რუსული პრემიერლიგისთვის.

Championat.com-მა მოძებნა რუსული ლიგის 8 საუკეთესო ტრანსფერი და, მათ შორის, მოხვდა გიორგი დემეტრაძის გადასვლა ჰოლანდიურ გრანდ "ფეიენოორდიდან" ვლადიკავკაზის "ალანიაში". ეს გარიგება 1998 წელს შედგა და ოსურ კლუბს ქართველი 1,2 მილიონი ევრო დაუჯდა.

"1998 წლის შუაში ვალერი გაზაევი პირადად აწარმოებდა მოლაპარაკებას დემეტრაძესთან, რომელსაც თავადაც სურდა "ფეიენოორდის" დატოვება, რადგან მისთვის ჩვეულ პოზიციაზე არ ათამაშებდნენ. ჩვენთან ინტერვიუში  დემეტრაძემ მაშინდელ სიტუაციაზე შემდეგი თქვა:

 "ვთხოვე ჰოლანდიელებს, რომ გავეშვი. ისინი წინააღმდეგები არ იყვნენ. მქონდა შეთავაზებები ბელგიიდან და ჰოლანდიიდან, მაგრამ ვიფიქრე: "ეს ხომ ოსეთია, ახლობელი ხალხი, თითქმის სახლში ხარ, 300 კილომეტრია თბილისამდე... წავედი რუსეთში და არც ვინანე: გაზაევმა ჩემგან ფეხბურთელი გამოძერწა".

"ალანიაში" დემეტრაძემ 43 მატჩი ჩაატარა და 35 გოლი შეაგდო. 1999 წელს ის რუსეთის ჩემპიონატის საუკეთესო ბომბარდირიც გახდა. შემდეგ "ალანიამ" დემეტრაძე 3,2 მილიონ ევროდ გაყიდა კიევის "დინამოში".

3464
მკითხველის კომენტარები / 0 /
მსგავსი ამბები
რუბრიკის სხვა სიახლეები
;