გიორგი მჭედლიშვილი სიმბოლურ ნაკრებში მოხვდა

ტრავმის შემდეგ გიორგი მჭედლიშვილმა "ვენტსპილსში" ზედიზედ 2 მატჩი ჩაატარა და ლატვიის ვირსლიგის (უმაღლესი ლიგა) ტურის სიმბოლურ ნაკრებში მოხვდა.

მისი გუნდი შეხვდა "ვალმეირას", რომელსაც თამაზ პერტია ავარჯიშებს. თამაში 2:2 დაასრულა. მეორე გოლი 51-ე წუთზე გიორგი ერისთავმა გაიტანა. მის გარდა, შემადგენლობაში გიორგი რეხვიაშვილი იყო, ხოლო მჭედლიშვილი მოედანზე მე-18 წუთზე გამოჩნდა, გუგა ფალავანდიშვილმა კი თამაში მცირე ტრავმის გამო გამოტოვა.

შემდეგ "ვენტსპილსი" გასვლაზე იურმალის "სპარტაკს" დაუპირისპირდა და 3:1 მოიგო. რეხვიაშვილი ისევ ძირითადში იყო, ერისთავი სათადარიგოებში იჯდა, ხოლო მჭედლიშვილი ძირითადში დაბრუნდა და საგოლე გადაცემაც გააკეთა. მან ორივე შეხვედრა კარგად ჩაატარა. პირველი მატჩის შემდეგ ლატვიის ფეხბურთის ფედერაციის ოფიციალურმა გვერდმა ტურის სიმბოლურ ნაკრებში დაასახელა.

"ტრავმის შემდეგ პირველად "ვალმეირასთან" ვითამაშე, მოედანზე 73 წუთი გავატარე და მიხარია, რომ სიმბოლურში მოვხვდი, რომელიც ლატვიის ფეხბურთის ფედერაციამ შეადგინა. მერე კიდევ ერთი მატჩი იურმალს "სპარტაკთან" გვქონდა, მოვიგეთ და მეორე გოლი ჩემი პასით გავიდა. ტრავმა 8 თვის წინ მივიღე და მას შემდეგ არ მითამაშია. ასეთი დასაწყისი ამიტომაც მიხარია", - ამბობს მჭედლიშვილი.

709
მკითხველის კომენტარები / 0 /
მსგავსი ამბები
რუბრიკის სხვა სიახლეები
;