გადაწყვეტილია! გიორგი პაპუნაშვილი რასინგში ითამაშებს

"ლელოს" ექსკლუზიური ინფორმაციით, საქართველოს ნაკრების შემტევი გიორგი პაპუნაშვილი სანტანდერის "რასინგში" ითამაშებს. კლუბსა და ფეხბურთელს შორის საიჯარო ხელშეკრულება ივნისის ბოლომდე გაფორმდა.

"რასინგი"ტრადიციული კლუბია, თუმცა ახლა სეგუნდა დივიზიონში ბოლოსწინა ადგილზეა და პაპუნაშვილის დახმარება სჭირდება. თავის მხრივ, საიჯარო კონტრაქტის მიხედვით "პაპუ" აუცილებლად ჩაატარებს გარკვეული რაოდენობის თამაშებს ახალ კლუბში. ივნისის ბოლოს კი "სარაგოსას" დაუბრუნდება.

ამასთან დაკავშირებით კომენტარი ვთხოვეთ ფეხბურთელის აგენტ ლევან ზუხბაიას, რომელმაც გვითხრა:

"როგორც იცით, იყო რამდენიმე ვარიანტი. ფეხბურთელისა და ჩვენი არჩევანი სანტანდერის "რასინგზე" შეჩერდა. "რასინგის" ხელმძღვანელობას ძალიან დიდი იმედი აქვს, რომ გიორგი შეძლებს გუნდისათვის სარგებლის მოტანას. სანტანდერული კლუბი ბოლოსწინა ადგილზეა სეგუნდა დივიზიონში და მისი მიზანი ლიგაში ადგილის შენარჩუნებაა. ასეთი გადაწყვეტილება გიორგიმ ნაკრების ინტერესების გამოც მიიღო. მას უნდა, რომ მარტისთვის სრულ მზადყოფნაში იყოს", - გვითხრა ზუხბაიამ.

[VIDEO] პაპუნაშვილმა ესპანეთის თასზე გაიტანა

2393
მკითხველის კომენტარები / 0 /
მსგავსი ამბები
რუბრიკის სხვა სიახლეები
;