გიორგი ქვილითაია: არ დავნებდები!

სამწუხაროდ, გიორგი ქვილითაიას ტრავმამ ლატვიის ნაკრების წინააღმდეგ თამაშის საშუალება არ მისცა. "გენტის" ფორვარდი მატჩის წინა დღეს, ვარჯიშზე დაშავდა. ტაქტიკური წვრთნისას ქვილითაიამ ფეხი ცუდად დადგა და კოჭში ძლიერი ტკივილი იგრძნო. ის სასწრაფოდ გაიყვანეს მოედნიდან, გუნდმა კი ვარჯიში შეაჩერა...

ფეხბურთის ფედერაციის ცნობით, ქვილითაიას ადგილზე აღმოუჩინეს სამედიცინო დახმარება, რის შემდეგაც გადაწყდა, რომ 24 წლის ფორვარდი მკურნალობას ბელგიაში გააგრძელებდა. ქვილითაია გუნდის ექიმ დავით ხარაბაძესთან ერთად, ბრიუსელში კვირა დილით გაემგზავრა და დღეს ოპერაცია უნდა გაირკეთოს.

ქირურგიული ჩარევის შემდეგ გახდება ცნობილი, რა პერიოდი გაუცდება ქვილითაიას კლუბსა და ეროვნულ ნაკრებში. სფფ-ს გენერალური მდივნის, დავით მუჯირის განმარტებით, ტრავმა ისეთი მძიმე არ აღმოჩნდა, როგორც თავიდან ვარაუდობდნენ.

ინსტაგრამზე გამოაქვეყნებულ პოსტში, საქართველოს ნაკრების თავდამსხმელმა გულშემატკივებს თანადგომისთვის მადლობა გადაუხადა.

"არ არსებობს იმაზე დიდი ბედნიერება, როცა საკუთარ ქვეყანაში ასე განიცდიან შენს გასაჭირს და ასე ახლოს მიაქვთ გულთან. უღრმესი მადლობა ყველას. მადლობა, რომ გჯერათ ჩემი. ამხელა სიყვარულის შემდეგ, არ მაქვს დანებების უფლება და არც დავნებდები! ჩვენ ერთად კიდევ ბევრი გოლი გვაქვს გასატანი", - წერს ქვილითაია, რომელსაც თანაგუნდელებიც დაუდგნენ მხარში და ლატვიასთან მატჩზე ქვილითაიას მხარდამჭერი შიდა მაისურებით გავიდნენ.

1830
მკითხველის კომენტარები / 0 /
მსგავსი ამბები
რუბრიკის სხვა სიახლეები
;