გიორგი ქოჩორაშვილი - ქართველი ლა ლიგის გუნდში!

19 წლის გიორგი ქოჩორაშვილი შარშან აგვისტოში "საბურთალოდან" "ჟირონას" ჭაბუკთა გუნდში გადავიდა. საყრდენი ნახევარმცველის პროგრესი აშკარაა - სეზონის წინ ის კატალონიური გუნდის დუბლებში გადაიყვანეს, შეკრებაზე კი პირველ გუნდში ვარჯიშობს და თამაშობს!

2 აგვისტოს გიორგიმ ცხოვრებაში პირველად ითამაშა "ჟირონას" მთავარ გუნდში, კატალონიელებმა 1:0 მოუგეს "საბადელს", ქართველი კი სასტარტოში იყო და 65-ე წუთზე შეცვალეს.

ეს რომ ერთჯერადი რამ არ იყო, 4 აგვისტოს გამოჩნდა, როცა "ჟირონამ" "ტოტენჰემს" 4:1 მოუგო. 84-ე წუთზე ქოჩორაშვილმა ალეიშ გარსია შეცვალა. ლა ლიგის დაწყებამდე "ჟირონა" კიდევ ერთ ამხანაგურ მატჩს გამართავს, "რეუსს" 8 აგვისტოს დაუპირისპირდება და ვინ იცის, ქართველს იქნებ, ლა ლიგაშიც მიეცეს შანსი. ესპანეთის ჩემპიონატი სწორედ "ჟირონას" მატჩით ("ვალიადოლიდთან") იწყება 17 აგვისტოს.

1266
მკითხველის კომენტარები / 0 /
მსგავსი ამბები
რუბრიკის სხვა სიახლეები