გიორგი შერმადინმა სროლები დაიწყო

გიორგი შერმადინმა ხანგრძლივი სარეაბილიტაციო პერიოდი დაასრულა და ვარჯიში განაახლა.

ქართველი ცენტრი პირველად გამოჩნდა "უნიკახას" ვარჯიშებზე. ის გუნდთან ერთად ჯერ არ ვარჯიშობს, თუმცა უკვე ისვრის საჯარიმოებს და ძუნძულით დარბის დარბაზში.

შეგახსენებთ, რომ უნიკახას ქართველ კალათბურთელს ტერფზე ერთ-ერთი ძვალის მოტეხილობა დაუდგინეს და სარეაბილიტაციო პერიოდად 6-8 კვირა დაუდგინეს. მალაგელთა თავკაც ჟოან პლაზას ამ სეზონში ქართველი ცენტრის დაბრუნების იმედი აღარც ჰქონდა, მაგრამ შერმადინი მოსალოდნელზე სწრაფად მომჯობინდა.

ახლა კი მწვრთნელი იმედოვნებს, რომ შერმადინი არათუ დაბრუნდება, პლეი ოფის დაწყებამდე 3-4 მატჩსაც მოასწრებს.

Lა Oპინიონ დე Mალაგა ამტკიცებს, რომ შერმადინი 29 აპრილს "ბილბაოსთან" თამაშში უკვე განაცხადში იქნება. ქართველი ცენტრის პროგრესი ისეთი თვალშისაცემია, რომ მას მომდევნო ორშაბათიდან გუნდთან ერთად ვარჯიშზეც ვიხილავთ.

ახალმა მაგნეტურ-რეზონანსულმა გამოკლევამ მარცხენა ფეხის ტერფზე დაზიანება ვერ აღმოაჩინა - მოტეხილობა შეხორცებულია.

შერმადინის დაბრუნების ყველაზე რეალურ თარიღად მაინც 6 მაისს მიიჩნევენ, როცა "უნიკახა" "სარაგოსას" ეთამაშება.

ყოველდღიური სპორტული გაზეთი "ლელო"
667
მკითხველის კომენტარები / 0 /
მსგავსი ამბები
რუბრიკის სხვა სიახლეები
;