გიორგი შკინინის ბენეფისი - რეგულარული 'ლოკომოტივმა' მოიგო

საქართველოს ჩემპიონატის რეგულარული გათამაშება თბილისის "ლოკომოტივმა" მოიგო და შესარჩევ ფინალში მეორე ადგილზე გასულ ქუთაისის "აიას" ეთამაშება.

ბოლო ტურს სხვა არაფერი შეუცვლია. პლეი ოფში იასპარეზებენ გორის "ჯიქი", "ბათუმი", თბილისის "ლელო" და რუსთავის "ხარები".

* წინასწარი ფინალი: ლოკომოტივი Vშ აია.
* პლეი ოფის I ეტაპი: ჯიქი Vშ ხარები, ბათუმი Vშ ლელო.
* ბოლო ტურში "ლოკომოტივის" 12-დან 6 ლელო გიორგი შკინინმა გაიტანა.

არმაზი-ლელო 19:17

არმაზი: 3ლ - ჩანადირი, წიკლაური, ბერაძე. 2გ - ცინცაძე.
ლელო: 2ლ - კვირიკაშვილი, თოდუა. 2გ, ს - ყიასაშვილი
მსაჯი: თორნიკე გვირჯიშვილი

ამ მატჩს სატურნირო თვალსაზრისით არავითარი მნიშვნელობა ჰქონდა. "ლელოს", წესით, ეს თამაში პლეი ოფისთვის მოსამზადებლად უნდა გამოეყენებინა.

როგორც ჩანს, რეპეტიცია არ გამოვიდა. ლელოელები საწყის ათ წუთში უკვე 14:0-ს აგებდნენ. გუნდს არც გამოცდილი მორაგბეების, ეროვნული ნაკრების მოთამაშეების მერაბ კვირიკაშვილისა და ალექსანდრე თოდუას თითო ლელომ უშველა. გამარჯვება მაინც "არმაზს" დარჩა. ახლა, "ლელოს" პლეი ოფში ბათუმში მოუწევს სტუმრობა და უმძიმესი მატჩის გადატანა.

არმია-ლოკომოტივი 17:78

არმია: 3ლ - ბუტიაშვილი, მესხი, ცირეკიძე. გ - მახარაშვილი.
სინბინი: დაუშვილი
ლოკომოტივი: 12ლ - შკინინი (6), გაგოშვილი, ბეგაძე, გოგოლაშვილი, ქვათაძე, გასვიანი, ხიდეშელი. 9გ - წიკლაური
მსაჯი: ონისე მოგელაშვილი

ქვეყნის მრავალგზის ჩემპიონმა თბილისის "ლოკომოტივმა" ბოლო ორ ტურში ორივე მეტოქე დიდი ანგარიშით დაამარცხა და რეგულარული გათამაშების მიწურულს ლიდერ "აიას" სატურნირო ცხრილის პირველი საფეხური დაათმობინა.

ბოლო ტურის მატჩში რკინიგზელებმა უმოტივაციო "არმიას" 12 ლელო გაუტანეს. აქედან ექვსი მიმდინარე ჩემპიონატის საუკეთესო მელელოვის, გიორგი შკინინის ანგარიშზეა. ახლა, "ლოკომოტივი" შესარჩევ ფინალში შინ დაუპირისპირდება ქუთაისის "აიას". "არმია" კი უმაღლეს ლიგაში ადგილის შესანარჩუნებლად პიველი ლიგის მეორეადგილოსან ბოლნისის "ყოჩებს" დაუპირისპირდება.

ხარები-აია 24:33

ხარები: 4ლ - თაბუკაშვილი, ჯიმშიტაშვილი, გოგიაშვილი, გ. ნარიმანიძე. 2გ - ბუჯიაშვილი, თაბუკაშვილი
აია: 5ლ - ტორაძე, მანაგაძე, ირემაძე, არეშიძე, მ. ბაბუნაშვილი. 4გ - გობეჯიშვილი (2), ძნელაძე (2)
მსაჯი: გია ამირხანაშვილი

ქუთაისის "აიამ" სტუმრად რუსთავის "ხარების" დამარცხება კი შეძლო, მაგრამ ეს საკმარისი არ აღმოჩნდა პირველი ადგილის შესანარჩუნებლად. "აიამ" და "ლოკომოტივმა" თანაბარი ქულები დააგროვეს, მაგრამ ერთმანეთს შორის დაპირისპირებაში უპირატესობა რკინიგზელებს აქვთ. შესაბამისად, "აია" მეორე ადგილს დასჯერდა და შესარჩევ ფინალში სტუმრად ითამაშებს "ლოკომოტივთან". რუსთავის "ხარები" კი, პლეი ოფში მოქმედ ჩემპიონს, გორის "ჯიქს" ესტუმრება.

ჯიქი-ბათუმი 12:15

ჯიქი: 2ლ - ჯინჯიხაძე, დევსურაშვილი. გ - ნინიძე.
ბათუმი: 2ლ - ტორაძე, ბუჯიაშვილი. გ, ს - კობახიძე.
სინბინი: მამრიკიშვილი, ქოიავა
მსაჯი: სულხან ჩიხლაძე

პლეი ოფის მონაწილეების დაპირისპირება დაძაბულ ბრძოლაში წარიმართა. ამ მატჩმა ნათლად გვიჩვენა, რა მძიმე ბრძოლების გადატანა მოუწევს ორივე გუნდს პლეი ოფის მატჩებში. ორივე მატჩებს შინ გამართავს და გამარჯვების შემთხვევაში გასავარდნ ფინალში ისევ ერთმანეთთან მოუწევს დაპირისპირება. ამჯერად, "ბათუმმა" მოიგო. რა იქნება, თუ ამ გუნდების გზები ისევ გადაიკვეთა, ძნელი სათქმელია.

ბაგრატი-აკადემია 7:40

ბაგრატი: ლ, გ - ხურციძე
სინბინი: კიკვაძე
აკადემია: 6ლ - მახარაშვილი, ხელაია, მოძღვრიშვილი, ჩინჩალაძე, სბ. ილურიძე, სნ. ილურიძე. 5გ - მოძღვრიშვილი
მსაჯი: ილია საჯაია

"ბაგრატი" უმაღლეს ლიგას დიდი ხანია, დაემშვიდობა. "აკადემიას" კი არც გავარდნა ემუქრებოდა და საპლეიოფო ექვსეულიც შორს იყო. ერთი სიტყვით, არაფრის მომცემი მატჩის მიუხედავად, გუნდები საქმეს სერიოზულად მიუდგნენ და სეზონის ბოლო თამაშში კარგი ბურთაობა გააჩაღეს. "აკადემია", როგორც მოსალოდნელი იყო, უკეთესი გამოდგა და ჩემპიონატი ამაღლებულ ნოტზე დაასრულა.

თ მ ფ წ ბ ქ(პ)
1. ლოკომოტივი 18 15 0 3 +238 70(10)
2. აია 18 16 0 2 +296 70(6)
3. ჯიქი 18 11 1 6 +162 58(12)
4. ბათუმი 18 12 1 5 +132 58(8)
5. ლელო 18 10 0 7 +48 47(7)
6. ხარები 18 9 1 8 -1 44(6)
7. აკადემია 18 5 0 13 +18 33(13)
8. არმაზი 18 6 1 11 -87 32(6)
9. არმია 18 3 0 15 -353 15(3)
10. ბაგრატი 18 1 0 17 -453 5(1)

პლეი ოფი. I წრე

21, 22 აპრილი
ბათუმი-ლელო
ჯიქი-ხარები
შესარჩევი ფინალი

28 აპრილი
ლოკომოტივი-აია

ყოველდღიური სპორტული გაზეთი "ლელო"
181
მკითხველის კომენტარები / 0 /
მსგავსი ამბები
რუბრიკის სხვა სიახლეები