გიორგი ჩაკვეტაძე რეკორდზე მიდის - უკვე 5 000 000

გიორგი ჩაკვეტაძე რეკორდზე მიდის - 19 წლის ქართველი ფეხბურთელის სატრანსფერო ფასი 5 მილიონ ევრომდე გაიზარდა.

ბოლო ერთ წელიწადში გერმანულმა ინტერნეტსააგენტო "ტრანსფერმარკტმა" საქართველოს ნაკრებისა და ბელგიური "გენტის" 19 წლის ფეხბურთელის შეფასება საგრძნობლად გაზარდა.

2017 წლის 1 აგვისტოს გიორგის ტრანსფერს 750 ათას ევროდ აფასებდნენ, 2017 წლის 20 ოქტომბერს შეფასება უკვე 1,2 მილიონამდე გაუზარდეს, 30 მარტს - 3 მილიონამდე, ხოლო 11 სექტემბერს "ტრანსფერმარკტმა" ქართველის გრაფაში 5 მილიონი ევრო ჩაწერა.

ანუ წლის და ერთი თვის განმავლობაში ნიჭიერი ქართველი ფეხბურთელის ფასი 4,250 მილიონით გაიზარდა - შესანიშნავი შედეგია! ცხადია, ჩაკვეტაძეს ერთა ლიგასა და კლუბში წარმატებული თამაში დაუფასეს. საქართველოს ნაკრები D ლიგის პირველ ჯგუფში სტარტზე 2 მოგებით გალიდერდა, ჩაკვეტაძე კი ქართველების ყველა გოლის უშუალო მონაწილე იყო.

ასევე გაიზარდა გიორგი ქვილითაიას შეფასება, რომელიც ეროვნულ ნაკრებსა და "გენტში" ჩაკვეტაძის თანაგუნდელია. ტრავმირებული თავდამსხმელის ფასი 1,75 მილიონიდან 3 მილიონამდე გაიზარდა და ის საქართველოს ნაკრების ყველაზე ძვირად ღირებულ ფეხბურთელთა სიაში მეშვიდედან მე-3 ადგილზე დაწინაურდა.
ყველაზე ძვირად ღირებული ქართველი ფეხბურთელების სია ასე გამოიყურება:

ფეხბურთელი კლუბი ფასი

საბა კვირკველია ლოკომოტივი მ 8,00
გიორგი ჩაკვეტაძე გენტი 5,00
გიორგი ქვილითაია გენტი 3,00
დავით ხოჭოლავა შახტარი 2,50
ვაკო ყაზაიშვილი სან ხოსე 2,50
ჯანო ანანიძე სპარტაკი 2,00
გურამ კაშია სან ხოსე 2,00
ვაკო გვილია ლუცერნი 1,25
ჯაბა კანკავა ტობოლი 1,00
თორნიკე ოქრიაშვილი კრასნოდარი 1,00
ჯიმი ტაბიძე უფა 1,00

ასევე წაიკითხეთ: 'ეს ბიჭი კარგად თამაშობს, ფეხის წვერებზე დგებაო'...

ყოველდღიური სპორტული გაზეთი "ლელო"
1147
მკითხველის კომენტარები / 0 /
მსგავსი ამბები
რუბრიკის სხვა სიახლეები