გიორგი ჩაკვეტაძე: ჩემი სტილიდან გამომდინარე, ესპანეთში თამაში მსურს

სად ითამაშებს გიორგი ჩაკვეტაძე? ამის შესახებ ბოლო პერიოდში არაერთი ინფორმაცია გავრცელდა. „ტრაბზონი“, „ვესტ ჰემი“, „რომა“. მაგალითად, იტალიური გამოცემა „ილ მესაჯერო“ ამტკიცებს, „სერია ა“-ს ერთ-ერთი გრანდი „რომა“ ჰენრიჰ მხითარიანის შემცვლელად სამ მოთამაშეს განიხილავს – – მოსკოვის „ლოკომოტივის“ 24 წლის შემტევ ალექსეი მირანჩუკს, დონეცკის „შახტარის“ 20 წლის ბრაზილიელ ტეტეს და საქართველოს ნაკრებისა და ბელგიური „გენტის“ 20 წლის შემტევ ნახევარმცველს, გიორგი ჩაკვეტაძეს.

„კიდევ ერთი მოთამაშე, რომელსაც დეტალურად აკვირდებიან, გიორგი ჩაკვეტაძეა, „გენტის“ 20 წლის ვარსკვლავი, რომელმაც „რომას“ წინააღმდეგ ევროპის ლიგაში ითამაშა – მან ფონსეკაზე შესანიშნავი შთაბეჭდილება მოახდინა. ის შემტევი ნახევარმცველია, მაგრამ თამაში მარცხენა ფლანგზეც შეუძლია“ - წერს „ილ მესაჯერო“ საქართველოს ნაკრებისა და ბელგიური „გენტის“ შემტევ ნახევარმცველზე.

გამოცემა წერს, რომ სავარაუდოდ, სამეულიდან ტეტეა ის მოთამაშე, რომლის დამატებაც „რომას“ პორტუგალიელ მთავარ მწვრთნელს, პაულო ფონსეკას ყველაზე მეტად სურს .

„სპორტი იმედზე“ სტუმრობისას ამ თემაზე გიორგი ჩაკვეტაძემ და მისმა მენეჯერებმა გოგა გახოკიძემ და ლაშა ჯაკობიამ ილაპარაკეს.

„ახლა უკვე კარგად ვარ, ყოველდღე ვვარჯიშობ - ისევე როგორც „გენტის“ მოთამაშეები. ჩვენთვის კარგი იყო ბელგიაში სეზონი რომ დაასრულეს, რადგან ჩემპიონთა ლიგაზე ვითამაშებთ. ჩემი აზრით, ოპერაცია ცოტა დაგვიანდა. მერაბ ვარძუკაშვილი სულ მეუბნებოდა, რომ ოპერაცია მჭირდებოდა. ის მართალი გამოდგა“ - ამბობს ჩაკვეტაძე.

ამის შესახებ ფეხბურთელის აგენტმა გოგა გახოკიძემაც ილაპარაკა: „ბევრი მოლაპარაკება გვქონდა სხვა გუნდებთან და მე მგონია, რომ სურდათ გიორგი ოპერაციის გარეშე მოერჩინათ. დეპუატრე ასე მაორჩინეს. მაგრამ გიორგის შემთხვევაში დაიგვიანეს“.

ჯაშა ჯაკობია: „გიორგის მიმართ ინტერესი დიდია. მაგრამ ჩვენი აზრია, რომ აჯობებს 6 თვე ისევ „გენტში“ ითამაშოს, რადგან დიდი ხანი გაუცდა. კლუბების ინტერესი არ აკლია, მაგრამ აჯობებს, რომ ფორმაში შევიდეს და მაღალი ლიგის კლუბში გადავიდეს. თანაც ისიც მნიშვნელოვანია, რომ „გენტი“ ჩემპიონთა ლიგაზე ითამაშებს და იქ უფრო გამოჩნდება“.

გიორგი ჩაკვეტაძე ილაპარაკა, თავად სად სურს თამაში და კომენტარი ვლადიმირ ვაისი ნაკრებში დარჩენაზეც გააკეთა: „ჩემი სტილიდან გამომდინარე და რაც მე მომწონს, ესპანეთში თამაში მსურს. რაც შეეხება ბელარუსთან შეხვედრას, ასეთი შანსი არ გევქნება და მაქისმალურად უნდა გამოვიყენოთ. მიხარია, რომ ვაისი დარჩა, პირადად ჩემთვის მასთან მუშოაბა სასიამოვნოა, რადგან მენდო და ეს შანსი გამოვიყენე და ვაჩვენე, რომ თამაში შემეძლო“.

5621
მკითხველის კომენტარები / 1 /
ბათუმი
2
ვამაყობთ შენით გიორგი! მთავარია ბევრი იმუშავო და იბრძოლო ყიველთვის ბოლომდე და შედეგიც აუცულებლად იქნება კარგი
მსგავსი ამბები
რუბრიკის სხვა სიახლეები
;