გიორგი ჭიაბრიშვილი: ბევრ რამეში გაგვიმართლა, მაგრამ ბევრიც სწორად გავაკეთეთ... ამიტომაც შევიყვანე კაკუბავა...

"შერიფთან" ისტორიული გამარჯვების შემდეგ "საბურთალოს" მთავარმა მწვრთნელმა გიორგი ჭიაბრიშვილმა მატჩი ჟურნალისტებთან შეაფასა.

"თამაში ჩვენი უპირატესობით მიმდინარეობდა და ბუნებრივია, ხარისხით და შედეგით კმაყოფილი ვარ. მით უფრო, რომ ძალიან ძლიერ გუნდს ვეთამაშებოდით. ბევრ რამეში გაგვიმართლა. არ დავმალავ, რომ ასეთი ანგარიშით გამარჯვებას არ ველოდი. მაგრამ ბევრიც სწორად გავაკეთეთ და ეს შედეგიც აისახა. მადლობა ყველას, ვისაც ჩვენი გამარჯვება გაუხარდა".

ჭიაბრიშვილმა მეორე ტაიმში განხორციელებულ შეცვლებზეც ილაპარაკა: "მეტოქემ ნახევარდაცვა გააძლიერა, ჩვენ კი დაღლა გვეტყობოდა და არ მინდოდა ცენტრში უპირატესობა დაგვეთმო. კაკუბავა მოედანზე ამიტომ შევიყვანე".

"საბურთალოს" მთავარი მწვრთნელი ემოციებს არ მალავდა, მაგრამ საპაუხო შეხვედრაზეც ილაპარაკა: "ჩემი ბიჭებისთვის არაფერი მითქვამს, მხოლოდ მადლობა გადავუხადე. სიტყვებით ამ სიხარულის გადმოცემა შეუძლებელია. ჩემთვის ყველა მოგება განსაკუთრებულად სასიხარულოა, მაგრამ ახლა რასაც ვგრძნობ, ძნელი წარმოსადგენია, თუმცა დასრულებული ჯერ არაფერია. ეს ნახევარი გზაა, საბოლოო წარმატებისთვის ჯერ არ მიგვიღწევია. წინ კიდევ ერთი, გადამწყვეტი მატჩია და მთავარია, თბილისშიც ასე ვითამაშოთ".

1320
მკითხველის კომენტარები / 0 /
მსგავსი ამბები
რუბრიკის სხვა სიახლეები
;