გიორგი ხარაიშვილს აიაქსი აკვიდრება, ამბობს კარგად ინფორმირებული წყარო

შვედურ მედიაში საინტერესო ინფორმაცია დაიბეჭდა - "გიოტებორგის" ქართველ ნახევარმცველ გიორგი ხარაიშვილს ამსტერდამის "აიაქსი" აკვირდებაო. გამოცემა Sportbladet.se ამტკიცებს, რომ ეს ამბავი კარგად ინფორმირებული ჰოლანდიური წყაროებიდან გაიგო.

"ის "გიოტებორგის" მოთამაშეა, მაგრამ უკვე გამოიწვია დიდი კლუბების ინტერესი. თავად ამბობს, რომ ძალიან სურს კლუბში დარჩეს, ვიდრე ახალ ნაბიჯზე ფიქრს დაიწყებს. ქართველი ნახევარმცველი, რომელიც "გიოტებორგმა" ზამთარში შეიძინა, ისლანდიელ ელიას ომარსონთან ერთად, გუნდის საუკეთესო მეგოლეა. ინფორმაციის თანახმად, რომელიც Sportbladet.se-მ ჰოლანდიური წყაროებიდან შეიტყო, "გიოტებორგის" თამაშებს "აიაქსის" სელექციონერები არაერთხელ დაესწრნენ და 22 წლის ქართველი ლეგიონერის თამაშს აკვირდებოდნენ. მათ შორის იყო ამსტერდამელთა სამწვრთნელო სტაფის წარმომადგენელი ჰანკ ველდმატე, რომელიც ადრე "გრონინგენში" მუშაობდა", - წერს გამოცემა.

აქვეა მოყვანილია ხარაიშვილის კომენტარი: "მე ვუთხარი ჩემს აგენტს, რომ მანამდე არაფერი მითხრას, ვიდრე 100%-იანი ინტერესი არ იქნება. მას კი აქამდე მსგავსი რამ არ უთქვამს".

გამოცემა ხარაიშვილის ტრანსფერის დეტალებს იხსენებს და ამბობს, რომ ის  "საბურთალოდან" "გიოტებორგში" იჯარით გადავიდა, შესაბამისად, შვედურ კლუბს მისი ტრანსფერი ჯერ არ ეკუთვნის. იჯარა კი 30 ნოემბერს მთავრდება. ამის შემდეგ "გიოტებორგს" აქვს უფლება, ხარაიშვილის ტრანსფერი რამდენიმე მილიონ კრონად გამოისყიდოს და კონტრაქტი 3,5 წლით გაუფორმოს.

გამოცემამ ქართველ ლეგიონერს რამდენიმე კითხვა დაუსვა:

- როგორია თქვენი სამომავლო გეგმები?

- მე მინდა "გიოტებორგში" დარჩენა, რადგან აქ ყველაფერი ძალიან მომწონს. ახლა შვედეთში მაწყობს ის სიტუაცია, რომელშიც ვარ. ამჟამად ჩემთვის ეს კარგი დონეა.

- თქვენ რამდენიმე კლუბი გაკვირდებათ...

- ახლა ჰოლანდიურ გუნდში არ გადავალ. მაგრამ მომავალში მინდა უფრო ძლიერ ლიგაში გადასვლა, თუკი ეს ჩემს კარიერას წაადგება.

- შვედეთში თქვენი პირველი სეზონის შესახებ რას ფიქრობთ?

- ცუდი არ იყო, მაგრამ არც "კარგი" ეთქმის. მაგრამ ჩვენ წინ გვაქვს 10 მატჩი, ამიტომ, შემიძლია უფრო მეტს მივაღწიო. ფიზიკურად აშკარად გავძლიერდი და ჩემს სადებიუტო სეზონს დადებითად ამიტომ ვაფასებ. ამავე დროს, ისიც გასათვალისწინებელია, რომ აქ ტემპი საქართველოს ლიგისგან ძალიან განსხვავდება. თუმცა, პირველი ორი თვე ჩემთვის იყო კოშმარი, სანამ ფიზიკურად მოვმჯობინდებოდი.

- რას ფიქრობთ მიმდინარე სეზონში "გიოტებორგის" გამოსვლაზე?

- ჩვენ შეგვიძლია უკეთ თამაში, რადგან ამის პოტენციალი გვაქვს. ჩვენ გვყავს გუნდი, რომელიც შეიძლება საუკეთესო ხუთეულში მოხვდეს, თუ ცოტას მოვითმენთ. ამ სეზონში ბევრი ქულა უაზროდ დავკარგეთ.

- როგორც ჩანს, არასტაბილური სეზონის მიუხედავად, გუნდის გულშემატკივრებმა აღმოაჩინეს ხარაიშვილი, რომელიც ამრატგორდენთან ახლოს ცხოვრობს, რათა თავს ისე გრძნობდეს, როგორც საკუთარ სახლში...

- მე მიყვარხარს გულშემატკივრები, მათ კი მე ვუყვარვარ. ბევრმა მათგანმა გამომიგზავნა შეტყობინებები "ინსტაგრამზე" და ვგრძნობ, რომ მათი ოჯახის წევრი გავხდი.

 * * *

ხარიშვილის შესაძლო ტრანსფერზე კითხვები "გიოტებორგის" სპორტულ დირექტორ მარს გრინსაც დაუსვეს:

- ჩვენ არ მიგვიღია გარკვეული გადაწყვეტილება, მაგრამ ჩვენ თუ გიორგის დარჩენაზე ვიტყვით - "გვინდა", მაშინ ის დარჩება და ჩვენი ფეხბურთელი გახდება.

- "გიოტებორგს" შეუძლია ხარაიშვილის ტრანსფერს გასწვდეს?

- ღირებულებაზე მომავალ წელს დავილაპარაკებთ. "გიოტებორგს" შეუძლია, ეს გააკეთოს. ჩვენ ასევე შევთანხმდით გიორგის პირად ხელშეკრულებაზე.

- არსებობს ჭორები, თითქოს, ხარაიშვილით სხვა კლუბებიც დაინტერესდნენ და მისი გადაბირება სურთ...

- ეს ხმები ჩვენამდეც მოვიდა. დიახ, ჩვენს თამაშებზე იყვნენ სხვადასხვა კლუბების წარმომადგენლები და ხარაიშვილს აკვირდებოდნენ. მაგრამ ჩვენს უფლებას თუ გამოვიყენებთ და ქართველთან კონტრაქტს გავახანგრძლივებთ, მაშინ მას ვერავინ წაიყვანს. ხარაშვილს გარკვეული დრო დასჭირდა, რათა შვედეთის ჩემპიონატს შეჩვეოდა. მას ჩვენთან მოსწონს, მაგრამ დიდი ხნით დარჩენა არ სურს.

ყოველდღიური სპორტული გაზეთი "ლელო"
1013
მკითხველის კომენტარები / 0 /
მსგავსი ამბები
რუბრიკის სხვა სიახლეები
;