გიორგი ხინჩეგაშვილის მემორიალი გორში

გორმა მეოთხედ უმასპინძლა ტიტულოვანი ფალავანის ლადო ხინჩეგაშვილის მამის თავადაც მსოფლიოს და ევროპის ჩემპიონის (ახალგაზრდებში) გიორგი ხინჩეგაშვილის ხსოვნის მემორიალურ ტურნირს თავისუფალ ჭიდაობაში.

შეჯიბრებაზე, მონაწილეობას იღებდნენ ჩვენი ქვეყნის ათზე მეტი ქალაქის, აგრეთვე სომხეთისა და ყაზახეთის წარმომადგენელი 2005-2007 წწ დაბადებული სპორტსმენები. მოჭიდავენი პირველობისათვის იბრძოდნენ 11 წონით კატეგორიაში. გუნდური შედეგით საუკეთესო იყო გორის გუნდი, მეორეზე თბილისი, მესამეზე კი აჭარა გავიდა.

ტურნირის ორგანიზატორმა გორის მუნიციპალიტეტის სპორტის განვითარებისა და ხელშეწყობის სააგენტომ ცალკეულ წონით კატეგორიებში გამარჯვებულებს გადასცა თასები, მედლები და ფულადი ჯილდოები. გამარჯვებულთათვის სპეციალური საჩქურები დაწესებული ჰქონდა მსოფლიოს ჩემპიონს გიორგი კანდელაკს.

"ტურნირი საკმაოდ საინტერესო და წარმომადგენელობითი გამოდგა, რის გამოც მინდა მადლობა გადავუხადო ორგანიზატორებს და მონაწილეებს. უმცროსი ასაკის მოჭიდავეები სწორედ ასეთ შეჯიბრებებზე ბოლომდე ითავისებენ სპორტის არსს და მნიშვნელობას. პატარებს მოგეხსენებათ მხოლოდ სავარჯიშო პროცესით ვერ გაზრდი წარმატებულ სპორტსმენად. გიორგი ხინჩეგაშვილის მემორიალურ ტურნირზე მიღებული საშეჯიბრო გამოცდილება კი მათ უდავოდ კარგად წაადგებათ დაოსტატების გზაზე" - თქვა საქართველოს დამსახურებულმა მწვრთნელმა ბატონმა ნუგზარ სხირელმა.

კვარცხლბეკი
35 კგ. 1. ზურა აბალაკი (გორი), 2. ლაშა გოგაძე (გორი), 3. გიორგი რომელაშვილი (გორი), დიმა გოგიტიძე (აჭარა)
38 კგ. 1. ნიკოლოზ ბოჭორიშვილი (გორი), 2. საბა ღამბაშიძე (გორი), 3. დავით ჭუნაშვილი (ყვარელი), საბა ქობულაძე (ბოლნისი)
41 კგ. 1. ალექსი დარჩიძე (აჭარა), 2. ლუკა გურჩიანი (აფხაზეთი), 3. ლუკა ზაქარაია (აფხაზეთი), ლაშა ლომიძე (ხაშური)
44 კგ. 1. საბა ლაზიშვილი (აჭარა), 2. გიორგი ბურჯანაძე (ბაღდადი), 3. არშაკ ლულუკიანი (ნინოწმინდა), დათო ჩოხელი (თბილისი)
48 კგ. 1. ზეზვა შოშიტაშვილი (თბილისი), 2. ზურაბ მამულაძე (აჭარა), 3. გოჩა კუპრეიშვილი (ყვარელი), ლექსო ტყემალაძე (ქარელი)
52 კგ. 1. ოთარ ბჟალავა (ყვარელი), 2. გიორგი ივანიძე (გორი), 3. ივანე კოკორაშვილი (ყვარელი), ომარ შაველაშვილი (კასპი)
57 კგ. 1. საბა მიქელაშვილი (ხაშური), 2. გიორგი ნოზაძე (ხაშური), 3. გიორგი სარგისიანი (სომხეთი), გიორგი მოსულიშვილი (გურჯაანი)
62 კგ. 1. ნიკოლოზ მაისურაძე (გორი), 2. მირიან ბერიძე (აჭარა), 3. საბა დათუკაშვილი (ყვარელი), გურამ გუმბერიძე (ბაღდათი)
68 კგ. 1. თემურ ქოჩქიანი (თბილისი), 2. ბესო ქადაგიძე (აჭარა), 3. თენგიზ ლომიძე (გორი), ლუკა ჯალიაშვილი (რუსთავი)
75 კგ. 1. კამილ კურუგლიევი (ყაზახეთი), 2. დაჩი პაპინაშვილი (გორი), 3. ვასილ ბითარიშვილი (კასპი), ალექსი თოდუა (აფხაზეთი)
85 კგ. 1. რეზო გაგლოევი (თბილისი), 2. დავით ქარდავა (თბილისი), 3. ლუკა ხანიშვილი (გორი).

722
მკითხველის კომენტარები / 0 /
მსგავსი ამბები
რუბრიკის სხვა სიახლეები
;