გოგა ბითაძემ სეზონი ორმაგი დუბლით გახსნა

სერბულმა "მეგა ბემაქსმა", რომლის ღირსებასაც საქართველოს ეროვნული ნაკრების კალათბურთელი გოგა ბითაძე იცავს, ახალი სეზონისთვის მზადება დაიწყო და პირველი საკონტროლო მატჩიც ჩაატარა.

"მეგა ბემაქსმა" ყატარის ნაკრების უმასპინძლა და იოლად – 106:60 სძლია, 19 წლის ქართველი ცენტრი კი ერთ-ერთი საუკეთესო იყო. გოგამ 13 ქულა და 10 მოხსნა მიითვალა.

ახლა, სერბული კლუბი გეზს ბაჰამის კუნძულებისკენ აიღებს და 11 და 12 აგვისტოს, შესაბამისად, არგენტინულ "სან ლორენცო ალმაგროსა" და ამერიკულ "კენტუკი ვაილდქეთსს" ეთამაშება.

შინ დაბრუნების შემდეგ, 23-24 აგვისტოს, "მგა ბიმაქსი" NჩAA-ს ფინალისტ "მიჩიგან ვულვერინსა" და ესპანურ "ესტუდიანტესს" გაეჯიბრება, სექტემბერში კიდევ 5 მატჩია დაგეგმილი: "ზენითან" (რუსეთი), "ბუდუჩნოსტთან" (მონტენეგრო), აეკ-თან (საბერძნეთი), "არისთან" (საბერძნეთი) და "დინამიკთან" (სერბეთი).

სერბული გუნდი ადრიატიკის ლიგის 2018-19 წლების გათამაშებაში 29 სექტემბერს ჩაებმება, დებიუტში "იგოკეას" (ბოსნია) ესტუმრება.

685
მკითხველის კომენტარები / 0 /
მსგავსი ამბები
რუბრიკის სხვა სიახლეები